A do të pushojë bullgari këtë verë?

botuar më 13-05-29 10.28.PD

Foto: BGNES

Pushimet verore po vijnë. Ëndrrat për rërën e ngrohtë dhe detin, për aromën e pyllit, për majat dhe liqenet malore së shpejti do të bëhen realitet për shumë bullgarë. Madje stagnimi për shkak të krizës ekonomike dhe tensionit social në vend, nuk do t’i dëbojë bullgarët nga vendpushimet. Nuk janë pak dhe ata, të cilët do t’i shfrytëzojnë ditët e nxehta që ta ndryshojnë vendin e punës, ose ta gjejnë punë suplementare.

Sipas parashikimeve, edhe sivjet do të vëzhgohet situata e njëjtë. Më aktivisht do të punojnë bullgarët e moshës nga 30 deri më 45 vjeç. Zakonisht këta janë bullgarë, të cilët punojnë në kompani ndërkombëtare dhe janë me paga 2-3 herë më të larta nga ato mesatare në vend. Nuk flasim për menaxherët e mëdhenj ose për pronarët e kompanive të mëdha, për të cilët pushimet janë një nocion relativ dhe në fakt ata mund të pushojnë kurdo që të duan. Tani për tani bullgarët e rinj preferojnë detin sesa mali. Një e treta prej tyre shkojnë për të pushuar në shtete të tjera, ose zgjedhin destinime më ekzotike për rreth 10-12 ditë. Vendet më të preferuara janë Greqia, Turqia dhe Spanja. Të tjerët orientohen drejt bregdetit bullgar. Ka dhe pushues gjatë tërë vitit, bëhet fjalë për të papunët e shumtë, numri i të cilëve bëhet gjithnjë e më i madh. Papunësia tashmë tejkaloi 13 për qind. Gjatë tremujorit të parë të vitit, tregojnë të dhënat e statistikës, numri i bullgarëve pa punë është 456 mijë veta. 29 për qind e të rinjve nuk mund të gjejnë punë dhe për fat të keq nuk bëhet fjalë vetëm për të papunët pa arsim, të cilët nuk kanë shans në tregun e punës.

“A do të pushojmë apo jo?” Kjo është pyetja, që bëhet kryesisht nga bullgarët e moshës nga 45 deri më 55 vjeç. Zakonisht ata i shfrytëzojnë pushimet për t’i rritur më shumë të ardhurat e tyre.

Sipas të dhënave të Eurobarometrit për shkak të financave vitin e kaluar dy të tretat e bullgarëve kanë pushuar në vendpushimet bullgare, si malore, ashtu dhe detare. Ndoshta kjo tendencë do të vëzhgohet edhe këtë vit. Nuk janë pak edhe ata pushues, të cilët do të kthehen në vendet e lindjes, ose do t’i kalojnë pushimet në vilën ndër natyrën e bukur bullgare. Përsëri nuk flasim për bullgarët e pasur, të cilët disa muaj para pushimeve e kanë planifikuar kruizin e radhës deri në disa shtete, një formë moderne kohët e fundit për t’i kaluar pushimet. Sa mjete parashikon bullgari për pushimet vjetore? Rreth 400-500 euro. Sa për bullgarët e pasur, sigurisht që parametrat e shpenzimeve të tyre janë krejt të ndryshme.

Përgatiti në shqip: Vesella Mançeva

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

A do të pushojë bullgari këtë verë?

Më shumë nga rubrika

Muri më i gjatë i artit të grafiteve në vendin tonë hapet në Kjustendill

Universiteti i Sofjes ruan pozitat e tij në renditjen Impact Rankings 2025

Mbi 5 mijë bullgarë të papunë kanë filluar punë sezonale në Evropë që nga fillimi i vitit

Planifikohet një rritje e ndjeshme e tarifave për shtetësinë bullgare

MPJ: Shqetësimet tona për Republikën e Maqedonisë së Veriut lidhen me të drejtën e bullgarëve për vetëvendosje

Bullgarët janë gjithnjë e më të hapur ndaj shijeve të reja, thotë francezi Benoît Garbolino