Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Beatboxing-u popullarizohet gjithnjë e më shumë në qytetin Gabrovo

Shumë të rinj bullgarë praktikojnë sportin urban parkur.
Foto: Архив

Qyteti i Gabrovos gjendet në Bullgarinë Qendrore. Banorët e tij janë njerëz praktikë dhe largpamës. Këto aftësi u konfirmuan gjatë organizimit të Festivalit Rinor “Në qendër”. Aktiviteti u mbajt në fund të muajt qershor. Në festival kishte gara me pengesa, me biçikleta, pjesëmarrës të cilët bënë skejtbord, muzikë, kërcime, arte luftarake japoneze e shumë aktivitete të tjera. Shumë interesante ishte forumi i beatboxing-ut. Ky është një interpretim me gojë i cili u ngjan instrumenteve si bateri dhe perkusione.

Në qytetet Burgas, Pleven, Teteven dhe Sofje ka shumë të rinjtë të cilët e ushtrojnë beatboxing-un, por në Gabrovo është formuar një shkollë speciale. Pesë nxënës nga gjimnaze të ndryshme mblidhen çdo ditë të marte dhe të enjte për të përsosur aftësitë e tyre të beatboxing-ut. E kanë quajtur grupin “Sound Breakers”. Muzikanti i njohur nga Gabrovo, Dimitër Krotev pasuron interpretimet e nxënësve me motive të muzikës popullore. Kështu lind një stil i ri – beatboxing plus ritme autentike bullgare.

Grupi “Sound Breakers”

Vitin e kaluar në Gabrovo u mbajt Festivali i Beatboxing-ut. Atëherë erdhi mysafir Aleksandër Dejanov-SkilleR nga Sofja. Ai është kampion botëror i beatboxing-ut dhe njihet me nofkën “Goja e shpejtë e Lindjes”. Në festival morën pjesë dhe 30 adoleshentë të tjerë nga mbarë Bullgaria të cilët e ushtrojnë interpretimin specifik me gojë.

Beatboxing-u i pëlqen Dijan Ivanovit i cili mëson në Gjimnazin e Turizmit në Gabrovo. Siç thotë ai, bashkë me muzikantët e tjerë të beatboxing-ut nga Gabrovo mblidhen në një sallë të pajisur mirë pranë Shtëpisë së Kulturës. I pasionuar pas këtij lloj muzike, i riu Dijan thotë se bën prova përditë, se beatboxing-u duket i lehtë, por faktikisht është art serioz muzikor. 

Përgatiti në shqip: Anna Kapitanova
Fotografi: Facebook
По публикацията работи: Gergana Mançeva


Последвайте ни и в Google News Showcase, за да научите най-важното от деня!

Më shumë nga rubrika

Nxënësit do të jenë në gjendje të testojnë aftësitë e tyre PISA në një platformë online

Nxënësit tani mund të testojnë në internet aftësitë e tyre për zgjidhjen e problemeve nga studimi ndërkombëtar PISA. Ministria e Arsimit dhe Shkencës krijoi një modul në faqen e saj të internetit me një lidhje me platformën speciale . Ajo përmban..

botuar më 25-03-14 2.58.MD

Kryedhjaku Ljubomir Bratoev: Shërbimet e para në bullgarisht në Berlin janë mbajtur në sallën e ambasadës sonë

At Ljubomir Bratoev ishte pjesëmarrës i drejtpërdrejtë në ngjarjet e themelimit të bashkësisë së kishës ortodokse bullgare në Berlin. Ai mbërriti në kryeqytetin e Gjermanisë Lindore në fund të viteve 1980 të shekullit të ХХ-të për të bërë doktoraturën...

botuar më 25-03-12 7.30.PD
Monumenti i Ekzarkut Stefan I në Shiroka Llëka

Ekspozita foto-dokumentare kujton personalitetin dhe veprën e Ekzarkut Stefan I Bullgar

Një ekspozitë interesante në Kuvendin Popullor në Sofje prezanton jetën dhe veprën e Ekzarkut Stefan I Bullgar - një figurë kozmopolite që hyri në histori si luftëtar i distancimit të priftërinjve nga jeta politike, dhe si një nga shpëtimtarët e..

botuar më 25-03-11 7.00.PD