Grupi “B.T.R.” feston përvjetorin e 20 të themelimit

botuar më 13-12-11 1.29.MD

Foto: Foto:facebook.com

AUDIO

Update Required To play the media you will need to either update your browser to a recent version or update your Flash plugin.

Interpretuesit e rok-end-rolit nga Grupi “B.T.R.” festojnë përvjetorin e 20 të themelimit të grupit me një sërë koncertesh nëpër vend. Anëtarët e grupit Atanas Penev – këngëtar, Kiril Bozhkov dhe Slavço Nikollov – kitara, Ivan Kalfov – bas-kitarë dhe Ilian Dikov – bateri, deri tani kanë incizuar 10 albume, kurse gjatë viteve shumë prej këngëve të tyre u bënë hite.

“Ne jemi njerëz të lumtur – rrëfen kitaristi Slavço Nikollov. – Përpara shumë vjetëve kur shkonim në koncertet e grupeve të njohura “Gjinkallat”, “Sinjal” dhe FSB ëndërronim si ndonjë ditë edhe ne të krijojmë bandën tonë. Sot, 20 vjet pas asaj kohe mund të them, se ëndrrën e kemi realizuar.”

Muzikantët nga grupi “B.T.R.” bëjnë provat dhe incizimet e këngëve të reja në studion e tyre, në të cilën regjisor i zërit gjithmonë është Emil Bojaxhiev. “Deri në vitin 2002 incizonim albume shumë aktivisht – shton Slavço Nikollov. – Kurse në vitin 1997 vendosëm të mos i biem muzikës në klubet por të japim koncerte nëpër vend. Dhe i u kushtuam vetëm kësaj veprimtarie, kemi dhënë nga 200 koncerte për vit. Bëmë dhe disa turne jashtë shtetit – në Kinë, Vietnam, Gjermani, Itali. Disa herë kemi dhënë koncerte edhe në Londër, në sallën “Astoria” që nuk ekziston më. Me rrjedhën e kohës situata në pikëpamje muzikore te ne u ndryshua, edhe pikëpamja jonë u ndryshua. Kështu në vitin 2008 incizuam albumin “Deja vu”, në të cilin bëmë orkestrime tona të këngëve më të njohura të grupeve tona të dashura, me të cilat jemi rritur. Albumi në fjalë pati sukses dhe u vlerësua lartë nga autorët e këngëve origjinale.”

Muzikantët e Grupit “B.T.R.” kanë marrë pjesë dhe në koncertet e formacioneve me famë botërore që kanë bërë turne në vendin tonë, siç janë “Iron Maiden”, “Deep Purple”, “Europe”, Glenn Hughes etje. Në vitin 2014 kanë për të incizuar dhe një album të ri. Gjatë marsit muzikantët nga Grupi “B.T.R.” do të bëjnë turneun e tyre të parë në SHBA. Sipas programit përpara diasporës bullgare atje ata do të japin 11 koncerte.

“Tani kemi bërë dy këngë të reja – shpjegon Slavço. – E para prej tyre – me titull “Pse?” fitoi Radio-konkursin “Pranvera e artë 2013”. Prandaj vendosëm me këtë këngë të startojmë dhe projektin tonë të ri, mbi të cilin aktualisht punojmë. Kënga e dytë është me titull “Përkëdhelia e harruar”, edhe të dytë kanë dhe video-klipe dhe u pranuan shumë mirë nga publiku.”

Në fund të dhjetorit muzikantët nga Grupi “B.T.R.” do të kenë një koncert në “kryeqytetin” bullgar të rok-end-rolit – Kavarna, ku do të shfaqen ne një skenë bashkë me Tim Ripper nga grupi “Judas Priest”.

Përgatiti në shqip: Gyulka Ilieva

По публикацията работи: Sibila Lilova

Последвайте ни и в Google News Showcase, за да научите най-важното от деня!

Ndaje

Grupi “B.T.R.” feston përvjetorin e 20 të themelimit

Më shumë nga rubrika

Miro ua kushton “Më trego një përrallë” bashkatdhetarëve larg Bullgarisë

Koncert simfonik në një lartësi 2550 m tingëlloi në pistat e skive të malit Pirin

Albumi "Përralla Antarktike" ndërthur xhazin, folklorin dhe muzikën klasike

"Treni i Fundit" - për ngjarjet që ndodhin gjithmonë në kohë