E përditshmja “Standard” shkruan se, pasi të takohen ministrat e transportit të Bullgarisë dhe Turqisë në Ankara, do të shpallet “armëpushim” i përkohshëm në lidhje me problemet e firmave tregtare në Bullgari. Nga dega e transportuesve mbeten pesimistë për zgjidhjen e çështjes, por shpresojnë se së paku kamionët bullgarë do të lejohen të hyjnë më herët në territorin e Turqisë. Shembujt tregojnë se, një maunë mbërrin nga Gjermania brenda 6 ditëve, ndërsa Turqia nuk e lejon atë që të hyjë në territorin e saj para ditës së tetë. Transportuesit presin nga ministri bullgar që ai do të arrijë të zgjidhë çështjen për heqjen e faturave si dokumente transporti. Për shkak të këtyre të fundit organet turke u vinin transportuesve bullgarë gjoba të paarsyeshme në vlerë 3 mijë euro, komentojnë firmat e transportimit të ngarkesave, të prekura nga situata e krijuar.
Gazeta “Trud” njofton se, rreth 204 mln euro janë derdhur në bashki, struktura të ministrisë së ekologjisë dhe në organizata joqeveritare sipas projekteve evropiane të financuara nga buxheti i shtetit. Tani për tani Komisioni Evropian nuk i disburson këto të holla dhe disbursimet për fushën e ekologjisë u ndaluan në muajin nëntor për shkak të problemeve me prokurimet publike dhe me kontrollin mbi to. Që atëherë kontraktuesit marrin para krejtësisht nga buxheti shtetëror. Ndërkaq, në periudhën tetor 2013 – janar 2014 janë derdhur 250 mln euro. Rreth 49 mln prej tyre janë nga bashkëfinancimi kombëtar i programit. Nga buxheti i 2014-ës vetëm gjatë muajit janar janë ndarë mbi 70 mln euro dhe nuk ka qartësi se kur Brukseli do t’i disbursojë paratë shtetërore.
E përditshmja “24 orë” citon shefin e Konfederatës së Sindikatave të Pavarura në Bullgari, z. Pllamen Dimitrov, i cili ka komentuar se, “në vitin e parë e gjysmë të mandatit të GERB-it partia ndërmori masa efektive, duke stabilizuar vendin, dhe filloi reforma në arsim etj.” Sipas Dimitrovit gabimi më i madh i qeverisjes së GERB-it ka qenë ristrukturimi i Hekurudhave Bullgare, i cili ristrukturim la 5 mijë familje pa të ardhura. “Ky i cili dëshiron të fitojë zgjedhjet, duhet të paraqesë alternativa për paga dhe pensione të mira”, ka thënë z. Pllamen Dimitrov, duke i uruar GERB-it sukses në zgjedhjet gjatë majit. Po ashtu shefi i Konfederatës së Sindikatave të Pavarura komentoi se, gjatë fushatës parazgjedhore do të shfrytëzohen mjete jo të pastra kundrejt kundërshtarëve politikë.
Ylli bullgar i snouboard-it Aleksandra Zhekova është e pasta në Olimpiadën e Soçit, shkruan gazeta “Standard”. Shumica e të përditshmeve vendase komentojnë finalen dramatike midis garueseve të snouboard-it, ku italiania Mikele Majoli e rrëzoi Zhekovën dhe kjo e fundit nuk arriti të zinte një nga vendet e para. “Ylli bullgar garonte mirë dhe të gjithë prisnin që ajo do të zërë vendin e tretë. Mirëpo, 100 metra para finales italiania e rrëzoi atë në kërcimin e fundit dhe Zhekova mbeti pa medaljen e bronztë.” Megjithë finalen dramatike 50 bullgarët e pranishëm në Lojërat Olimpike në Soçi e përshëndetën garuesen bullgare sikur e kishte fituar medaljen. “Edhe duke qenë me plagë në këmbë, Aleksandra Zhekova regjistroi pjesëmarrjen më të mirë të Bullgarisë pas vitit 2006, kur Evgjenia Radanova meritoi medaljen e argjendtë në disiplinën short track në Torino.”
Përgatiti në shqip: Anna Kapitanova
Bullgaria t’i sigurojë ujë Greqisë nga lumi Arda për 5 vjet, ky propozim për Greqinë u miratua nga qeveria bullgare. Në draft-deklaratën e përbashkët mbi përdorimin e ujërave të lumit Arda u shënua se të dyja palët konfirmuan se angazhimi i mëparshëm..
Kryengritja e Prillit është një shembull, se liria nuk është një dhuratë për ne dhe se revolucionarët bullgarë dhanë atë që mundën, domethënë - jetën e tyre. Ata e lanë në altarin e Atdheut dhe mendoj se u detyrohemi respekt, nderim, adhurim dhe të..
Ministri i jashtëm ukrainas Andriт Sibiga zhvilloi një bisedë telefonike me homologun e tij bullgar Georg Georgiev. Të dy diskutuan hapat për të arritur një paqe të drejtë dhe mënyrat për të zhvilluar njëbashkëpunim të dobishëm reciprokisht. Diplomati..
Të premten, temperaturat minimale do të jenë midis 5 dhe 10°. Në Sofje do të jetë rreth 5°. Gjatë ditës do të mbizotërojë mot me diell. Pas mesditës..
25% e punëtorëve janë pa kontratë pune, lufta kundër ekonomisë informale duhet të jetë një përparësi kryesore për shtetin. Këtë e deklaroi ministri i..
Rusia mbetet faktori kryesor destabilizues për sigurinë ndërkombëtare, thekson raporti i Shërbimit të Inteligjencës Ushtarake për vitin 2024, njoftoi..