Kampionati vendor i futbollit filloi me “xixa”. Në rrethin e 25-të “Levski” pësoi humbje nga “Lokomotiv”, Sofje me 0:1 gola. Në ndeshjen “Slavia”-“Levski”, ky i fundit arriti rezultat të barabartë 2:2. Pronari i të kaltërve Todor Batkov mbeti i pakënaqur me paraqitjen e “Levskit” dhe largoi nga puna drejtorin sportiv Hristo Jovov dhe zëvendës-trajnerin Marian Hristov. Mirëpo, trajnerin kryesor e la në punë të paktën deri më 8 mars kur do të zhvillohet derbi “Levski”-CSKA. Fansat e të kaltërve gjithashtu janë të mërzitur. Skuadra u rendit në vendin e katërt, pasi “Lokomotiv” (Plovdiv) dhe “Çernomorec” u ndanë nga një pikë.

Për sa i takon “armikut më të madh” të “Levskit”, CSKA-ja, ajo përfundoi 3:3 pas ndeshjes me skuadrën e “Slavias” në kryeqytet. Problemet e të kuqve janë me karakter financiar. Presidenti i klubit Aleksandër Tomov deklaroi me zë të lartë se do të gjejë patjetër donator. Z. Tomov u shpreh në mënyrë lakonike për derbin që vijon “Na pret ndeshje me “Levskin” dhe nuk duhet të bëhem mendjemëdhenj. Që sot e tutje kemi goxha punë.”

Skuadra “Ludogorec” korri fitore të paparë kundër skuadrës mysafire “Pirin”. Brenda 30 minutave futbollistët e trajnuar nga Stojço Stoev realizuan pesë gola. Me të njëjtin rezultat përfundoi po ashtu dhe ndeshja “Beroe”-“Lybimec” në favor të atij të parit.

Xixa kishte edhe në Varna. Trajneri kryesor i skuadrës “Çerno more”, Georgi Ivanov-Gonzo u zemërua shumë me penalltinë në favor të skuadrës portokalli “Liteks”. Ndeshja përfundoi me rezultat 2:1. Kjo ishte humbja e parë e “Çerno more” si skuadër mikpritëse. Pas ndeshjes Gonzo e thërriti referin “të pazotë” dhe deklaroi se ndoshta do të heqë skuadrën nga fusha.

“Botev” (Plovdiv) mezi mundi skuadrën “Neftohimik” me rezultat 1:0. Skuadra e Stanimir Stoillovit është me një pikë mbrapa “Levskit” dhe përkatësisht me dy pikë mbrapa “Lokomotivit” (Plovdiv).

Përgatiti në shqip: Anna Kapitanova