Para disa ditësh qeveria bullgare miratoi strategji për zhvillimin e qeverisjes elektronike në vend. Deri në vitin 2020 e-qeverisja duhet të lehtësojë administratën publike, biznesin dhe qytetarët. Në fakt, kjo është strategjia e dytë 10 vjetët e fundit. Si duket, strategjia e mëparshme nuk ka korrur suksese. Bullgaria është kamion në përpilimin e strategjive, programeve dhe në hartimin e planeve për zhvillim të shërbimeve elektronike. Por ndërkohë është e fundit në Evropë në aplikimin e të lartpërmendurve. Këtë e tha bile zëvendës kryeministrja Daniella Bobeva.
Statistika e qeverisë tregon se nga 562 administratat mezi 80 ofrojnë e-shërbime. Aplikimi i qeverisjes elektronike është në favor të të gjithë shoqërisë. Vështirësitë administrative për biznesin, qytetarët dhe nëpunësit kushtojnë 1 mlrd euro në vit. Ekspertët janë të mendimit se pasi të startojë e-qeverisja, shuma do të pakësohet me 30%.
A kemi kushte të përshtatshme për e-qeverisjen?
Bullgaria është e njohur me qasjen e mirë tek interneti. Bile është në treshen e disa klasifikimeve ndërkombëtare. Ky është një kusht i mirë për aplikimin e qeverisjes elektronike. Kjo e fundit gëzon interes të madh në institucionet ku funksionon. Bëhet fjalë për disa bashki moderne dhe për sigurimin publik. Po ashtu ka një portal kombëtar i cili ofron e-shërbime për testim.
Pak shqetësuese janë të dhënat e fundit për konsumin e internetit në Bullgari. Sipas tyre mezi 54% e bullgarëve kanë qasje tek interneti. Gjithsesi me kalimin e kohës ky numër pakësohet. Popullsia në Bullgari numëron rreth 7 mln veta dhe më 2010 pa qasje në internet ishin 3 mln veta, më 2011 – 2.5 mln veta, më 2012 – 2.38 mln veta dhe gjatë vitit të kaluar – 2.28 mln veta.
Tendenca e re u mor parasysh në programin e ri të qeverisë i cili program është me afat përfundimtar deri më 2020. E-qeverisja do të financohet me 145 mln euro nga BE-ja destinuar rritjes digjitale dhe me 30 mln euro të tjera destinuar infrastrukturës në zonat rurale. Besohet se strategjia e re për e-shërbimet nuk do të mbetet vetëm në letër.
Përgatiti në shqip: Anna Kapitanova
"Po, Bullgaria" (pjesë e "Bullgarisë Demokratike") e përcaktoi buxhetin për vitin e ardhshëm si një "cunami ekonomik". Ivajllo Mirçev ishte kategorik se partia do ta kundërshtojë atë kur projekti të dalë për diskutim në parlament. "Dje na u paraqit..
Megjithëse pranimi i euros është një hap i rëndësishëm, vetëm ai nuk garanton një standard më të lartë jetese. Këtë e deklaroi drejtoresha e përgjithshme e Fondit Monetar Ndërkombëtar, Kristalina Georgieva, në konferencën në Sofje me temën “Bullgaria..
Ministria e Financave publikoi projektbuxhetin e shtetit në euro për vitin 2026. Pritet që Prodhimi i Brendshëm Bruto (PBB) të arrijë në 120.1 miliardë euro me një rritje ekonomike prej 2.7%. Të ardhurat shtetërore të planifikuara janë 51.436..
Pjesërisht me re