20 marsin 2014 do ta mbajmë mend si data kur Kalojan Mihajllov-Kotooshu, burrë dy metrash, me lot në sy tha se heq dorë nga karriera e tij e sumos. Emri Kotooshu Kacunori nderohet në të gjithë Japoninë. Për ndryshe ky është bullgar lindur në fshatin Xhylynica, Bullgari Veriore.

Në Japoni Kotooshu nderohet si gjysmë-perëndi, sepse sporti i sumos ku ai është në të vërtetë i zot, ka histori 1500 vjeçare. Legjenda e lashtë rrëfen se prejardhja e popullit japonez është rezultat nga luftimi i sumos, falë të cilit japonezët kanë arritur të mbizotërojnë ishujt japonez.

Kalojan Mihajllov nisi rrugëtimin drejt tepihut të sumos në vitin 2002, kur debutoi në stilin profesional. Atëherë ia fitoi vetes nofkën Kotooshu. Brenda dy vjetëve bullgari arriti t’i bashkojë divizionit të lartë ku përfshihen 42 sumistët më të mirë të botës. Këtë sukses Kotooshu e arriti vetëm pas 11 turneve që është rekord në sumon profesionale. Më 2011 bullgari u dekorua me rangun e kampionit të madh dhe u bë evropiani i parë dhe i huaji i pestë në historinë e sumos profesionale, i cili e ka fituar këtë rang, të dytin e hierarkisë. Gjithsej 6 sumistë pa origjinë japoneze janë ngritur në këtë rang. Kotooshu është po ashtu edhe evropiani i parë i cili fitoi Kupën e Perandorit (2008).

Le të përmendim dhe dashurinë e ndaluar mes bullgarit dhe japonezes Asako Ando. 5 vjet me radhë të dy janë dashuruar fshehurazi, sepse sumistët nuk lejohen të shfaqen publikisht të dashurën e vetë nëse zyrtarisht nuk janë fejuar ose martuar me të. Pa dyshim, dasma e tyre më 14 shkurt 2010-ës ishte më e diskutuara në mediat botërore.

Pasi Kalojan Mihajllov-Kotooshu u largua nga tepihu i sumos, atë e pret karriera e trajnerit. Megjithëqë sumisti duhej të hiqte dorë nga pasaporta e tij bullgare, “kjo nuk do të thotë se jam më pak bullgar”, thotë Kotooshu.

Përgatiti në shqip: Anna Kapitanova