Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Xhaz në Bansko – 8-13 gusht

БНР Новини
Foto: banskojazzfest.com

Festivali Ndërkombëtar i Xhazit në Bansko përsëri mbledh muzikantë të shquar nga kontinente të ndryshme. Në pritje të ngjarjes më të madhe muzikore gjatë verës në Bullgari ju sjellim informacione rreth programit, ku përfshihen më se 20 koncerte dhe aktivitete të tjera interesante.

Në gjashtë mbrëmjet muzikore (nga data 8 deri më 13 gusht) do të marrin pjesë muzikantë nga pesëmbëdhjetë vende të huaja. Ndër to janë ShBA-ja, Brazili, Franca, Gjermania, Izraeli, Austria. Më 11 gusht në Bansko do të interpretojë grupi i mirënjohur britanik “Jive Aces”. Edhe më parë ky grup i është ngjitur skenës së Festivalit të Xhazit në Bansko. Për herë të dytë do të interpretojë mbretëresha e saksofonit Candy Dulfer (më 13 gusht). Ndër muzikantët më të shquar është violinistja dhe këngëtarja braziliane Tania Maria (12 gusht), e cila është legjendë e vërtetë e xhazit bashkëkohor. Skenës do t’i ngjiten këngëtaret China Moses (9 gusht), Iyeoka(më 11 gusht), Rossella Graziani & Dolce Vita (më 10 gusht), si dhe Hubert Tabs (më 13 gusht) – ish vokalisti i grupit të mirënjohur “Tower of Power” dhe Vasil Petrov nga Big Bendi i Bllagoevgradit (më 9 gusht).


Për herë të pare në kuadër të Festivalit Ndërkombëtar të Xhazit do të organizohet konkursi për muzikantët e rinj të këtij lloj muzike. Pasi të selektohen nga juria, më të mirët do të kenë mundësinë të këndojnë në skenë të madhe. Muzikantët më të talentuar do t’i ngjiten skenës së bashku me Stefka Onikjanin (më 10 gusht) , e cila është vokaliste dhe pedagoge në Akademinë Kombëtare të Muzikës.


Festivali do të çelet me programin e posaçëm të Kamelia Todorovës dhe "Brass Association"-it (8 gusht). Atëherë do të prezantohet dhe grupi bullgar “Magnetik” dhe këngëtarja e re amerikane JeSante. Do të shënohet dhe përvjetori i 50-të i themelimit të orkestrës “Sofja” – me koncerte të disa prej muzikantëve, të cilët kanë interpretuar në këtë formacion. Mysafirja e posaçme është Jordanka Hristova. Përveç muzikës do të xhirohet dhe filmi “Orkestra e Sofjes” i regjisorit Rosen Elezov. Po ashtu janë parashikuara ekspozita, leksione, koncerte dhe shumë të tjera. 

Përgatiti në shqip: Anna Kapitanova




Последвайте ни и в Google News Showcase, за да научите най-важното от деня!

Më shumë nga rubrika

"Magjia"pranverore e Irina Fllorin

Irina Fllorin është ndër këngëtaret bullgare me një ndjenje të theksuar moderniteti në të gjitha dimensionet e tij. Tendencat më aktuale përshkojnë muzikën e saj, me të cilën ajo vazhdon të jetë e pranishme prej vitesh në skenën bullgare...

botuar më 25-03-13 8.15.PD

Muzika e Milen Kirov - një përzierje emocionuese e muzikës klasike me xhaz dhe folklor

"Ku është "shtëpia" ime?" është një pyetje, përgjigjja e së cilës duket logjike: “Aty ku kam lindur”. Por jeta e çdo një prej nesh mund të na bëjë të ndihemi njëlloj si në shtëpinë tonë në pjesë të ndryshme të botës. E tillë është rruga e pianistit..

botuar më 25-03-13 7.05.PD

Interpretues virtuozë në edicionin përvjetor të "Festivalit të Muzikës Evropiane" në Sofje

Tre grupe të njohura evropiane do të jenë të ftuar specialë në Festivalin e 25-të të Muzikës Evropiane në Sofje. Festimet fillojnë më 12 mars dhe përfshijnë gjithsej 19 evente, të cilat do të mbahen në pranverë dhe vjeshtë. Programi i..

botuar më 25-03-12 8.23.PD