Në listën e problemeve të cilat e shqetësojnë biznesin, gjithnjë e më e diskutueshme bëhet çështja për deflacionin “kronik” në Bullgari. Kjo dukuri do të thotë se çmimet janë ulur. Sipas Institutit Kombëtar të Statistikës çmimet e tregtisë me pakicë gjatë shtatorit kanë regjistruar ulje prej 1.4 për qind nga fillimi i vitit. Kjo tendencë vërehet që nga mesi i 2013-ës. Nga pikëpamja e konsumatorëve ulja e çmimeve është gjë pozitive, por për sa i përket ekonomisë, biznesit dhe gjendjes financiare të vendit ekspertët nuk shohin asgjë të mirë në këtë deflacion.
Shkaqet për deflacionin në vend janë si të brendshme, ashtu dhe të jashtme. Ndër ato të brendshme janë çmimet e rregulluara e tregut energjetik, ulja e tyre jo natyrale dhe qëndrueshmëria e tyre muajt e fundit. Në deflacion kontribuon dhe konsumi informal, i cili megjithë rritjen jo të ndejshme nuk mund të stimulojë aktivisht industrinë dhe tregtinë kështu që të çojë në rritjen e fitimeve. Duhet përmendur po ashtu dhe çmimet ndërkombëtare të lëndëve djegëse dhe ushqimeve të cilat çmime janë duke u ulur.
Për biznesin inflacioni negativ do të thotë çmime më të ulëta të shitjes dhe respektivisht të ardhura më të vogla. Kjo nga ana tjetër sugjeron mbajtje, bile reduktim të kostos së punës, investimeve dhe risive. Në fund të fundit, çmimet më të ulëta do të thonë dhe paga më të ulëta për të punësuarit. Kjo çon në uljen e konsumit e kështu me radhë. Kjo quhet spiralja e deflacionit dhe është mes problemeve më të rrezikshme për Bankën Qendrore Evropiane.
Deflacioni ndikon negativisht jo vetëm mbi pagat, konsumin dhe punësinë, por dhe në të ardhurat e shtetit. Çmime më të ulëta të shitjes do të thonë TVSH-në më të ulët. Kjo e fundit është burimi kryesor i të ardhurave në arkën e shtetit. Optimizëm relativ për marrjen parasysh e realitetit në treg dhe të ligjeve ekonomike japin masat e fundit të autoriteteve shtetërore.
Përgatiti në shqip: Anna Kapitanova
Nga 1 janari 2025, paga minimale për Bullgarinë do të jetë 1077 leva /550.66 euro/në vend të 933 levave aktuale /477.04 euro/, sipas një projekt-dekreti qeveritar të publikuar për diskutim publik. Masa e re është në përputhje me Kodin e Punës dhe..
Një nga sektorët kryesorë për sa i përket rritjes së pagave dhe interesit nga punëkërkuesit në Bullgari është ai i teknologjive të larta. E ndërsa para pandemisë punësoheshin specialistë të çdo lloji pavarësisht trajnimit dhe kualifikimit të tyre..
Për gjysmën e parë të vitit 2024, paratë për kreditë e shpejta janë mbi 3 miliardë euro (6.017 miliardë leva), sipas Bankës Kombëtare Bullgare (BNB). Për krahasim, në fund të qershorit 2023, kreditë e shpejta të dhëna ishin 2.5 miliardë euro (4.926..
Kufiri i varfërisë do të jetë 638 leva në vitin 2025, vendosi qeveria. Vlera e tij do të rritet me 112 leva, ose me 21,3% krahasuar me vitin 2024...
Procedura për projektet e ruajtjes së energjisë së rinovueshme sipas Planit të Rimëkëmbjes dhe Qëndrueshmërisë është hapur dhe propozimet përkatëse..