Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Fillon Festivali i 45-të i Operës dhe i Baletit në qytetin Stara Zagora

Opera Shtetërore në Stara Zagora
Foto: BGNES

Pas një ndërprerjeje njëvjeçare në qytetin Stara Zagora rimëkëmbet Festivali i Operës dhe i Baletit. Nga data 24 nëntor deri më 5 dhjetor do të mbahet edicioni i tij i 45-të. Ky veprimtari artistike daton që nga viti 1967 dhe gjatë ekzistencës shumëvjeçare në skenën e tij prezantuan krijimtarinë e tyre yje të tillë të mëdhenj të Bullgarisë si Nikollaj Gjaurov, Rajna Kabaivanska e shumë të tjerë.

Në kuadrin e Festivalit do të hapet një ekspozitë i kushtuar piktorit të ndjerë të Operës Shtetërore të qytetit Stara Zagora – Boris Stojnov. Më shumë hollësi tregon drejtori i operës Petko Bonev: “Vite me radhë ishim kolegë me Boris Stojnovin. Ky njeri i mrekullueshëm dhe profesionist i përsosur u nda nga jeta pa kohë dhe papritmas për të gjithë ne. Kështu që dëshirojmë të shfaqim respektin tonë ndaj tij me këtë ekspozitë me vepra të tij. I kushtojmë atij edhe premierën e operës “Otello”, sepse dekoret janë vepër të tij. Personazhet kryesore do të interpretohen nga këngëtarë me përvojë të pasur. Bashkë me tenorin me famë botërore Emill Ivanov dhe baritonin e madh Ivan Konsollov do të dalë në skenë këngëtarja e re Rusalina Moçukova si Dezdemona. Në personazhin Kasio do të mishërohet këngëtari Ivajllo Jovçev, i cili u propozua për çmimin “Lira e kristaltë” të Lidhjes së Muzikantëve Bullgarë. Në programin e festivalit do të marrë pjesë edhe Opera e Sofjes, e cila do të prezantojë operën e Rosinit “Hirushja”. Opera e qytetit Ruse do të paraqesë baletin e Çajkovskit “Romeo dhe Zhulieta”. Opera e Plovdivit përgatiti një shfaqje klasike. Kjo është “Bohemi” nga Puçini.”


Në afishen e festivalit bënë përshtypje baleti “Fluturimi drejt dritës”, krijuar mbi fragmente të muzikës së kompozitorëve Çajkovski, Gershuin dhe të tjerë. Për këtë shfaqje Petko Bonevi tregon: “Ky balet do të prezantohet nga Opera e qytetit Ruse, e cila njihet me trupin e mrekullueshëm të baletit. Koreografja Sillvija Tomova bashkë me valltarët bëri një shfaqje të mrekullueshme. Si udhëheqës artistik i festivalit desha që spektatorët të kenë mundësi të shikojnë si shfaqje operistike, ashtu edhe të baletit. Për fëmijët do të prezantojmë mjuzikëlin “Lisa në botën e çudirave”.

Opera Shtetërore e qytetit Stara Zagora hapi sezonin e ri në fund të shtatorit me premierën e operës “Toska” nga Puçini. Miqtë e festivalit do të kenë mundësi të dëgjojnë këtë vepër me pjesëmarrjen e tenorit Kamen Çanev në rolin e Kavaradosit. Finali i festivalit do të shënohet me një koncert të madh me titull “Yjet e operës”. Në të në skenë do të dalin bashkë këngëtarët më të mirë operistikë të Bullgarisë.

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

Prova e

"Rigoletto" është premiera e parë e operës në vitin e përvjetorit të Operës së Stara Zagorës 2025

Opera më e vjetër jo-kryeqytetëse në Bullgari – Opera e Stara Zagorës, e cila feston një përvjetor mbresëlënës këtë sezon krijues, paraqet kryeveprën e Verdit "Rigoletto" më 28 dhe 29 mars. Ekipi i produksionit drejtohet nga këngëtari dhe..

botuar më 25-03-27 6.10.PD

Kristian Kostov bën një fillim të ri me këngën e tij "Unë jam ti"

Kristian Kostov, edhe pse i ri, tashmë është një interpretues dhe autor i njohur. Ai la një përshtypje të fortë gjatë sezonit të katërt të X Factor në vendin tonë, duke arritur në finalen e madhe dhe duke fituar një audiencë të madhe. Më pas ai u shfaq..

botuar më 25-03-26 6.05.PD

"Më e shtrenjta" nga Danny Levan

Danny Levan është një interpretues i ri me origjinë bullgaro-greke. Pas suksesit të këngës së tij në duetin me Hristiana Loizu, të quajtur në bullgarisht " Më fsheh sytë" vitin e kaluar, Danny është gati me një këngë të re të titulluar "Më e..

botuar më 25-03-24 2.10.MD