Grupi “Mary Boys Band” është duke përgatitur përvjetorin e tij të 20-të. Grupi gëzon dashurinë e shumë fansave, në saje të këngëve të tij melodike dhe zërit të ngrohtë të solistes Maria Mutafçieva.
“20 vjet nuk janë pak, por është herët për t’u bërë bilanc – pohon Maria. – Ne ende jemi në fillim të karrierës sonë krijuese, para nesh ka shumë gjëra të bukura, të lidhura me këtë ditëlindje. Tashmë e shënuam jubileun tonë këtë verë me disa koncerte në bregdetin bullgar. Jemi duke punuar mbi një spektakël me disa muzikantë të tjerë. Tani për tani mund të them se data e tij e parë do të jetë në ditëlindjen time – më 10 shkurt 2015. Publiku do të ketë mundësinë të dëgjojë muzikën e “Mary Boys Band” në një mënyrë të re dhe të bukur. Gjatë këtyre viteve kemi pësuar shumë ndryshime në grup, por formati mbeti i njëjtë – kitarë, piano, bas dhe bateri dhe vokale – pothuaj të gjithë në grup këndojmë. Kemi një formulë, e cila pasi njeriu e zbulon, është mirë të punojë sipas saj. Sa për ne, kjo formulë është – ne jemi pesë veta dhe kjo na mjafton.”
Hiti i parë “Mary Boys Band” – Rrugët e panjohura” në fakt u bë kartëvizita e grupit. Kështu titullohet dhe konkursi poetik, i cili organizohet me ide të Marias në qytetin e saj të lindjes Burgas. Gjatë muajit nëntor përfundoi edicioni i tij i tretë.
E kthejmë Maria Mutafçievën në të kaluarën, kur për herë të parë dëgjuam grupin “Mary Boys Band”: “Në fillim ne interpretonim këngët tona të dashura – thotë Maria. – Patëm fatin e mirë që në fillim të rrugës sonë të bëhemi grupi i Vanja Kostovës. Ajo është një talent i madh, i cili mund të të tregojë marrëdhëniet e sakta midis yllit dhe publikut. Kemi marrë pjesë edhe në një program televiziv për talente të reja në Televizionin Kombëtar Bullgar “Hit minus 1”. Atje fituam një çmim në vitin 1994. Në atë kohë kisha nevojë për një konkurs të tillë, ku të kuptoj se çfarë janë aftësitë e mia. Pas kësaj për një muzikant më i rëndësishëm është publiku. Dashuria gjithmonë ka qenë një forcë lëvizëse për ne. Dashuria ndaj muzikës – gjithashtu.”
Përgatiti në shqip: Vesella Mançeva
Dy artistë të gjeneratave të ndryshme, por me një vizion të ngjashëm muzikor, takohen në një duet – këta janë Grafa dhe Dara Ekimova, dhe kënga e tyre e përbashkët është “Asnjë moment”. Grafa krijoi ritmin dhe një pjesë të melodisë ndërsa..
Valeria Stojanova është ende studente në Shkollën Kombëtare të Muzikës në Sofje, por pavarësisht moshës së saj të re, ajo tashmë ka një përvojë solide skenike përkrah interpretuesve të njohur. E rritur në një familje muzikantësh, Valeria..
Pas një serie këngësh balada, Papi Hans prezanton këngën "Punëtori i zellshëm" - një këngë befasuese në albumin e tij "Ngjyrat e Ylberit". Tingulli dhe ritmi janë të viteve tetëdhjetë, dhe në videon e këngës shohim edhe aftësitë mbresëlënëse të..
Orkestra “Aramis” pranë Qendrës Ndërkombëtare Kulturore Manheim në Gjermani dha një koncert në majën Todorka të malit Pirin. Një skenë e hapur bore u..
“Më trego një përrallë” – titullohet kënga më e re e Miros, të cilën ai ua dhuron të gjithë bashkatdhetarëve të tij që janë larg Bullgarisë...
Vranësira të ndryshueshme mundësi për reshje shiu
Vranësira të dendura
Vranësira