Ditën e premte në mbrëmje pas shumë debateve të lodhshme dhe të vazhdueshme, ku argumentet ishin në sferën e vlerave kryesore njerëzore si të drejtat, liritë dhe demokracitë, Parlamenti i rrethuar nga qindra protestues miratoi përfundimisht buxhetin e vitit tjetër të sigurisë shtetërore, si dhe reformën e pensionimit, reformë kjo që shkaktoi një tronditje të vërtetë në shoqëri. Fjala “përfundimisht” është relative, sepse kjo ndodhi pasi iniciatorët e reformave nga partia në pushtet e qendrës së djathtë GERB u detyruan të bien dakord që reforma e sapomiratuar të revizionohet përsëri dhe pasi morën përkrahjen e kundërshtarit të tyre të madh Lëvizja për të Drejtat dhe Liritë. Rezistenca ndaj ndryshimeve në modelin e pensionimit, ndryshime, të cilat ishin miratuar vetëm nga sindikatat dhe partnerët socialë, ishte shumë e fuqishme tërë javën e kaluar. Ministri i punëve sociale, organizatat e biznesit, partnerët politikë nga koalicioni në pushtet dhe vetë Presidenti i vendit Rosen Plevneliev vunë në dukje shprehimisht se për mendimin e tyre këto masa nuk janë menduar mirë dhe mund të kenë pasoja negative. Në fakt, kundërshtime më të ashpra shkaktoi ideja që punonjësit të zgjedhin vetë nëse t’i paguajnë sigurimet e tyre të detyrueshme për pensionin e dytë në gjigantin shtetëror – në Institutin Kombëtar të Sigurimeve, ose në një prej dhjetë fondeve të mëdha të pensionit. Adhuruesit e reformave u përpoqën të provojnë se e drejta e zgjedhjes së lirë është gjëja më demokratike dhe tregon respekt ndaj të drejtave të njeriut. Kundërshtarët u argumentuan me pohimin se kjo është një formë e fshehtë nacionalizimi të sigurimeve suplementare të pensionimit, sepse biznesi privat nuk është në gjendje të luftojë me sukses kundër gjigantit shtetëror. Në fakt bëhet fjalë për një shumë prej 4 mlrd eurosh, të derdhur nga 3.3 mln veta, të cilat sigurohen në fondet private dhe çështja është se ku do të shkojnë këto mjete. Tani për tani pushtetarët sikur e fituan betejën, por jo edhe luftën për këto mjete, sepse pritet shqyrtimi i pakos së tërësishme prej masash për ndryshimin e reformës së pensionimit në kuadrin e tre muajve në vijim, kurse ndryshimet e tanishme mund të hidhen poshtë nga Gjykata Kushtetuese. Kjo do të thotë se pritet reforma e reformave dhe se ende asgjë nuk është e qartë dhe përfundimtare.
Përgatiti në shqip: Vesella Mançeva
U takuam me Galina Kënevën gjatë vizitës së ekipit të transmetimit "Ura e besimit" në komunitetin kishtar ortodoks bullgar "Shën Patriku Evtimij i Tërnovos" në Paris. Galina është anëtare e këshillit kishtar pranë kishës dhe një nga ndihmëset më..
Ministria merr shënim përmbajtjen e Raportit të Komisionit për Punë të Jashtme (AFET) të Parlamentit Evropian mbi progresin e Republikës së Maqedonisë së Veriut, duke përfshirë vlerësimet dhe konstatimet në lidhje me gjendjen e integrimittë saj..
Ministria e Drejtësisë po propozon një ndryshim në Tarifën Nr. 1 të Ligjit për Tarifat Shtetërore për tarifat e mbledhura nga gjykatat, prokuroria, shërbimet hetimore dhe Ministria e Drejtësisë. Qëllimi është të përditësohet shuma e tarifave shtetërore..
Ministria e Drejtësisë po propozon një ndryshim në Tarifën Nr. 1 të Ligjit për Tarifat Shtetërore për tarifat e mbledhura nga gjykatat, prokuroria,..
Ministria merr shënim përmbajtjen e Raportit të Komisionit për Punë të Jashtme (AFET) të Parlamentit Evropian mbi progresin e Republikës së Maqedonisë së..
27 vjet e ndajnë Benoît Garbolino-n nga vendimi për të ndjekur zërin e zemrës dhe për të lënë Francën, për të jetuar në Bullgari. Arsyeja, siç i ka hije..
Pjesërisht me re
Mot i kthjellët