Çfarë mund të presim nga vizita e Xhon Kerit në Bullgari tani

botuar më 15-01-10 1.05.MD

Foto: EPA/BGNES

Befasisht në Sofje u njoftuara, jo zyrtarisht, por pa përgënjeshtrim zyrtar, se Sekretari Amerikan i Shteti Xhon Keri do të vizitojë Bullgarinë më 15 janar. Në momentin e shpalljes së vizitës në sajtin e Departamentit të Shtetit të SHBA njoftim për ngjarje të tillë gjatë janarit nuk kishte. Vizita e Xhon Kerit në Sofje pritej, por me siguri diçka e ka përshpejtuar. Duke u mbështetur mbi rendin e ditës të marrëdhënieve të dyanshme, vëzhguesit politikë mendojnë, se temat më të mundshme të bisedimeve do të jenë kriza në Ukraine, pavarësia energjetike dhe diversifikimi i furnizimeve të gazit për Bullgarinë pas pezullimit të projektit “Rryma Jugore” nga ana e Rusisë. Në këtë kontekst me siguri do të aktualizohet dhe debati për nxjerrjen e gazit shist argjilor në Bullgari, i cili aktualisht është “tabu”. Xhon Keri do të bisedojë në Sofje me Kryeministrin Bojko Borisov dhe me Ministrin e Jashtëm Daniell Mitov. Takimi i tij me Mitovin nuk do të jetë i pari, sepse të dytë biseduan gjatë muajit dhjetor në Bruksel me kërkesë të palës amerikane, atëherë vëzhguesit supozuan, se me siguri është bërë fjala për blerjen e ardhshme të gjuajtësve për nevojat e Ushtrisë Bullgare. Për vizitën e ardhshme të Sekretarit të Shtetit në Bullgari u bë fjalë që atëherë, por askush nuk mendonte se ajo do të realizohet kaq shpejtë. Vallë, a mos e ka përshpejtuar në ndonjë mënyre atentati tragjik në Paris? Me siguri do të kuptojmë ditën e enjte, më 15 janar – ditë para takimeve të ministrave të jashtëm dhe të brendshëm të BE, në të cilat do të diskutohet kjo temë.

Përgatiti në shqip: Sofia Popova

Последвайте ни и в Google News Showcase, за да научите най-важното от деня!

Ndaje

Çfarë mund të presim nga vizita e Xhon Kerit në Bullgari tani

Më shumë nga rubrika

KE: Maqedonia e Veriut ende nuk i ka përfshirë bullgarët në kushtetutë

Votimi jashtë vendit nuk solli ndonjë surprizë të madhe

Situata pas votimit: pritshmëria për një qeveri, pavarësisht fragmentimit edhe më të madh të parlamentit

Ngjarjet me adresë ballkanike