A do të ndikojë kazusi “Vasillev” mbi marrëdhëniet me Serbinë

botuar më 15-03-15 11.15.PD

Foto: BGNES

Gjatë javës së kaluar Presidenti Rosen Plevneliev vizitoi Serbinë. Vizita ishte paraprirë nga një zhvillim i ndjeshëm për Bullgarinë rreth kërkesës së saj që bankieri Cvetan Vasillev, i akuzuar nga Prokuroria për derdhjen e 203 mln euro nga Banka Korporative Tregtare, të ekstradohet nga autoritetet serbe. Pasi Gjykata e Lartë në Beograd ishte miratuar kërkesën për ekstradimin si e arsyeshme, Gjykata e Apelit e ktheu kazusin në shkallën e parë me rekomandimin që nga Prokuroria bullgare të kërkohet informacion shtesë, ndërsa instanca e parë të korrigjoje të metat e bëra gjatë shqyrtimit të deritanishëm të kazusit. Disa e interpretuan rastin si refuzim të ekstradimit dhe kjo krijoi dyshime, se kazusi “Vasillev” do të ndikojë mbi marrëdhëniet bullgare-serbe dhe presidentët Tomisllav Nikoliç dhe Rosen Plevneliev ishin lutur të komentojnë rastin. Nga komentet u bë e qartë, se zhvillim të tillë nuk duhet të pritet. Sipas Nikoliçit, me siguri Vasilevi ka kryer krim në Bullgari, për të cilin do të përgjigjet para gjykatave të saj, ndërsa sipas Plevnelievit thjesht duhet të presim që organet kompetente të Serbisë të kryejnë punën e tyre. Pala serbe është angazhuar që të kontribuojë për garantimin e të drejtave kushtetuese të pakicës kombëtare bullgare në territorin saj, ndërsa ajo bullgare – të propozojë mekanizma për tërheqjen e investimeve suplementare në rajonet me bullgarët etnikë. Në ecuri janë projekte të rëndësishme për lidhjet midis dy vendeve në fushën e transportit dhe energjisë. Në ndërtimin e projekteve nëpër trasenë e Korridorit Transevropian të Transportit 10, i cili është me prioritet për dy vendet, Bullgaria ka investuar 1 mlrd euro. Bullgaria dhe Serbia vazhdojnë të jenë të interesuar për projektin e gazsjellësit “Rryma Jugore”. Planifikohet një mbledhje e parë e përbashkët e dy qeverive, në proces të përgatitjes është Traktati për miqësi, bashkëpunim dhe fqinjësi të mirë. Deri sa zhvillimet rreth ekstradimit të bankierit Cvetan Vasilev nuk janë refuzim, por një ngadalësim formal i procesit nga ana e pushtetit gjyqësor, proceset në marrëdhëniet e dyanshme, që janë fryt i bashkëpunimit të gjerë ndërshtetërorе mund të konsiderohen si një garanci më të madhe, se sa ato që kanë të bëjnë me një mashtrim me mjete bankare.

Përgatiti në shqip: Sofia Popova

Последвайте ни и в Google News Showcase, за да научите най-важното от деня!

Ndaje

A do të ndikojë kazusi “Vasillev” mbi marrëdhëniet me Serbinë

Më shumë nga rubrika

Qeveritarët ranë dakord për rotacionin e kryetarit të parlamentit

Ngjarjet me adresë ballkanike

Bullgaria shpreh solidaritet me Lituaninë pasi Rusia shkeli përsëri hapësirën ajrore evropiane