Procedura në fakt ka nisur menjëherë pas emërimit të shefit të ri të Shërbimit “Informacioni ushtarak” në personin e ish Ministrit  teknik të Punëve të Brendshme Jordan Balkallov. Ai zëvendësoi në këtë post Veselin Ivanov, i cili nga viti 2013 refuzon të dorëzojë pjesë prej arkivave të ish zbulimit ushtarak me argumentin, se në këtë mënyrë  do të zbardhen shtetas të huaj, të cilet kanë bashkëpunuar me Shërbimet speciale bullgare përpara 10 nëntorit 1989 dhe kjo do të vërë nën rrezik jetën e tyre. Ministri Nençev pohoi për mosmarrëveshjet midis tij dhe ish drejtorit Ivanov dhe se do që të fillojë punën me shefin e ri – Bakallov.

Teza për zbardhjen eventuale të agjentëve bullgarë jashtë shtetit ishte mohuar disa herë nga Kryetari i Komisionit për dosjet Evtim Kostadinov, i cili ka nënvizuar, se do të shpallet informacion vetëm për bashkëpunëtorët bullgarë të zbulimit ushtarak. Sipas njërit prej anëtarëve të komisionit – Ekaterina  Bonçeva, deri tani ata kanë pasur informacion për shtetas të huaj që kanë bashkëpunuar me Sigurimin  e Shtetit, por emri i asnjërit prej tyre deri tani nuk është zbardhur. Evtim Kostadinov nënvizoi, se ata nuk kanë të drejtën të kërkojnë dosjet e shtetasve të huaj, as t’i komentojnë.” Kështu përgjegjësia për transferimin e masiveve mbetet për shefin e ri të “Informacionit ushtarak” Jordan Bakallov.

Përgatiti në shqip: Sofia Popova