Mes nesh ka gra të cilat kujtojnë rrugën e gjatë që kanë bërë derisa të bëheshin nëna. Shembulli i tyre është i dobishëm për gratë e reja të cilat planifikojnë lindje, por e shtyjnë shtatzëninë në të ardhme. Përditshmëria jonë varet nga oraret, kalendarët dhe planifikimet. Po i rendisim prioritetet sipas zënies në ditët e punës. Ashtu po i shtyjmë detyrat të cilat nuk mund të presin. Këtë e kanë vërejtur gratë e bashkuara rreth projektit “Lindje në kohë”. Këtogra kanë themeluar një fondacion, i cili ka për qilim këshillimin e grave për misionin e tyre kryesor – të bëhen nëna.

“Jemi larg natyrës me të cilën përpara kemi qenë të lidhura. Tani jemi shumë të ndryshme dhe nuk jetojmë në harmoni”, thotë Lora, e cila ka mbetur shtatzënë pas shumë peripecive. Të dhënat e një sondazhi, përkojnë me mendimin e saj. Sipas sondazhit atо gra të cilat janë financiarisht të pavarura janë gati të rrisin fëmijë pa ndihmën e një partneri të përhershëm. Përveç mungesës së stabilitetit familjar, të ardhurat e ulëta janë faktori kryesor që gratë e reja bullgare të mos duan të lindin fëmijë. Shumica e të anketuarave pohojnë se faktor tjetër i moslindjes në kohë është shqetësimi i tyre të mos e humbasin vendin e punës pasi që kanë dalë në pushime amësie.

Mirëpo, sociologët llogarisin që prioritetet e një pjese të madhe të grave ndryshojnë ndjeshëm pas moshës 36 vjeçare. Në këtë moshë lindja e fëmijës bëhet prioritet numër 1 i gruas. “Kurrë nuk kam parë forcë aq e treguar te një grua e cila dëshiron të bëhet nënë. Në një moment të tillë gruaja është e gatshme për çdo gjë”, vë në dukje dr. Georgi Stamenov, specialist i shëndetësisë reproduktive në spitalin kryeqytetas “Nadezhda”. Sipas fjalëve të tij, për shkak të veseve dhe kryesisht stresit mbi gruan bashkëkohore, po shtohen pacientet me probleme reproduktive. Megjithë avancimin e mjekësisë, mosha e gruas është vendimtare për lindjen e një fëmije të shëndetshëm, pa defekte gjenetike. “Por mjekësia bashkëkohore ofron shumë mundësi, gruaja mund të ndalojë kohën dhe ta shtyjë shtatzëninë nëpërmjet metodave mjekësore – thekson dr. Stamenov. – Vitet e fundit vërehet tendenca e fekondimit in vitro te gratë e moshës mesatare. Por kjo procedurë, duke qenë përdorur pas moshës 35 vjeçare prapëseprapë nuk jep shanse të mira, sepse cilësia e vezëve është e dëmtuar. Prandaj, ne mjekët rekomandojmë ngrirjen e vezëve në moshë të përshtatshme. Dhe vezët e ngrira të fekondohen kur grua të takojë partner serioz dhe kur të jetë e gatshme të bëhet nënë. Përparësia e kësaj metode është se numri i keqformimeve kongjenitale pakësohet. Nuk ka fuqi më të madhe e cila e nxis gruan që të lindë fëmijë. Shkencëtarët rekomandojnë gratë që të mendojnë mirë për mundësitë e mëdha të metodës së ngrirjes së vezëve dhe të fillojnë fekondimin in vitro me vezë të ngrira. Sepse po të lindësh fëmijë në momentin kur je më e lumtura, nënkuptohet dhe se ky fëmijë do të jetë i lumtur. Rasti i fundit i fekondimit in vitro ishte i suksesshëm. Një grua kishte bërë 7 procedura të pasuksesshme in vitro deri sa të lindë fëmija e parë. Suksesi i lindjes ka të bëjë me durimin e nënës dhe me profesionalizmin e ekipit mjekësor.”

Përgatiti në shqip: Anna Kapitanova