Qeveria bullgare e motivuar nga sfidat më të reja të terrorizmit dhe nga thirrjet këmbëngulëse ndërkombëtare për luftë pa kompromise kundër tij, gjatë kësaj jave bëri hapa të rinj në shtrëngimin e masave kundër kësaj dukurie nëpërmjet propozimeve për ndryshim në ligjin për dokumentet personale. Ndalimi mbi udhëtimin e shtetasve bullgarë jashtë shtetit tashmë do të bëhen me urdhër të Shefit të Agjencisë Shtetërore “Siguri Kombëtare” (DANS) dhe jo siç ishte deri tani nga Ministri i Punëve të Brendshme. Transferimi i kësaj përgjegjësie nga ministri tek shefi i agjencisë  supozon, se masa mund të ndërmerret vetëm në qoftë se  ka kërcenim të vërtetuar nga Shërbimet speciale për sigurinë kombëtare pa pasur nevojën e sanksionit politik. Përveç kësaj, sipas projektit, në prani të të dhënave, se jashtë shtetit personat e sanksionuar do të merrnin pjesë në akt terrorit ose në stërvitjen e terroristëve. Deri tani  legjislacioni kombëtar parashikonte masa para së gjithësh për aktivitete terroriste dhe veprimtari të lidhura me to në territorin e vendit si p.sh. krijimi, drejtimi dhe pjesëmarrja në grupe terroriste; përgatitja e akteve terroriste, nxitja për kryerjen e akteve të tilla dhe financimi i terrorizimit. Me masat e reja kabineti në fakt e shtron vetes synimin për kufizimin e mundësive për eksport të terrorizimit dhe kjo forcon angazhimin e vendit në luftën globale kundër fenomenit. Në rast të dyshimit për terrorizëm DANS do të mund të ndalojë gjithashtu nxjerrjen e vizave dhe zgjatjen e afatit të qëndrimit të të huajve në vend dhe për arsyet e tij do të informojë Sistemin Informativit të Shengenit. Dikush ndoshta do të thotë, se masat e parashikuara të reja kundër terrorizimit janë shumë të ashpra dhe kufizojnë lirinë e lëvizjes, por ato janë në përputhje të plotë me thirrjet dhe rekomandimet e OKB në këtë sferë. Masat mund të ishin edhe më të ashpra, në qoftë se zbatohej  një propozim tjetër, bërë para pak kohe nga DANS për inkriminimin ligjor të  predikimit ë islamit radikal. Materia është shumë e ndjeshme dhe delikate që të mund të zgjidhet nga një herë, por qeveria është e ndërgjegjshme për këtë.

Përgatiti në shqip: Sofia Popova