Një ekspozitë me skulptura dhe vizatime rregulloi në galerinë e kryeqytetit “Njuans” skulptori i njohur bullgar, profesor Boris Gondov. Veprat e tij mund të shihen aty deri më 13 shkurt. Në ekspozitë prezantohen vepra jashtëzakonisht interesante dhe me ndikim të madh, të cilat rikrijojnë tema të përjetshme për artin. Tema e parë ka të bëjë me jetën e njeriut, të thyer përmes prizmit të jetës së Jisu Krishtit: Vuajtjet, Golgota, Ngjallja.

Atë, që na rrethon përbën jeta e njeriut që nga Krijimi i Botës e deri në ditët tona – rrëfen në një intervistë për Radio Bullgarinë profesori Boris Gondov. – Ato janë probleme, të cilat edhe në të ardhmen do të qëndrojnë para njerëzimit. Më preokupojnë gjëra të llojllojshme. Nuk jam i mendimit, se arti duhet të humbë përmbajtjen sociale. Mendoj, se një nga misionet e tij është pikërisht i tillë. Prandaj unë përpiqen, që në mënyrë të vetë të prezantoj të gjitha problemet, të cilët i preokupojnë njeriu i zakonshëm, pra të gjithë ne. Kjo temë nuk është e huaj për mua. Ajo jep mundësi, për një ndikim më të madh. Ajo mund të pasurojë piktorin, mjetet e tij shprehëse, mundësit e tij prej skulptori. Kjo është një temë e pasur dhe e përjetshme. Njeriu nuk mund të qëndrojë anas jetës sociale, sepse ajo është pjesë e jetës sonë. Edhe ne jemi pjesë prej saj dhe përjetojmë të gjitha problemet e saj. Jam i bindur, se piktori nuk mund të qëndrojë larg tyre. Preferoj ato skulptura, të cilat kanë ndikim jo vetëm emocional por përmbajnë edhe pjesë e jetës sociale. Pikërisht kjo më preokupon më tepër si piktor.

Skulpturat e profesorit Boris Gondov mishërojnë shumë emocione. Në veprën “Dita e Shtatë” ai rikrijoi piktorin e madh bullgar Vlladimir Dimitrov – Mjeshtri, një krijues, i cili në veprat e tij prezanton bukurinë dhe pjellorinë e tokës, pra vlerat e përjetshme njerëzore.

Tema tjetër kryesore në ekspozitë gjithashtu është e përjetshme. Ajo ka të bëjë me bukurinë e grave – “frytet e vërteta të natyrës”. Vitet e fundit Boris Gondov preferon të punojë me drurin – një material më të lirë. Doli, që ai jep mundësi për shprehje më të mirë dhe më të plotë të temave dhe subjekteve. Druri është i mrekullueshëm, mjafton, që njeriu të vlerësojë cilësitë e tij – thekson skulptori. 

Me emrin e profesorit Boris Gondov lidhen dhe shumë projekte të rëndësishme për kulturën dhe historinë e vendit. Lidhur me këtë ai kujton:

Ato ishin prokurime të rëndësishme dhe të mëdha shoqërore. Për realizimin e tyre janë të domosdoshme shumë dituri, ambicie, dhe para se gjithash dëshirë. Mendoj, se vepra më e rëndësishme, të cilën e realizova ishte monumenti i mbretit Samuill në kompozimin “Kështjella e mbretit Samuill” në qytetin Petriç.

Skulptori ka krijuar monumente të shumë personaliteteve të njohura si për shembull i mbretit Boris I – pagëzor të popullit bullgar në fenë e krishtere në Pliska; në qytetin Tërnovo të klerikut, letrar dhe shenjtor Evtimij, Patrik të Bullgarisë; të arkitektit dhe ndërtues të famshëm Koljo Fiçeto në Drjanovo; të Vlladimir Dimitrov – Mjeshtrit në qytetin Kjustendill. Për të gjitha ato vepra të famshme skulptori rrëfen: Për mua ishte interesante të rikrijoj figurat e tyre, kështu që monumentet të bëhen të rëndësishme dhe me vlerë. Kur punova, ky ishte qëllimi im i vetëm.

Vepra të profesorit Boris Gondov ka në koleksionet e Galerisë Kombëtare të Arteve Figurative, Galerisë së Arteve Figurative të Sofjes dhe në shumë galeri të tjera të mbarë vendit. Në Parkun e Paqes në Nagasaki të Japonisë qëndron kompozicioni i tij monumental “Zogj”. Vepra të tij ka në koleksionin e Fondacionit “Art Dialog” në Paris, në koleksionin e madh të biznesmenit Hugo Vuten në Belgjikë.