Më 9 qershor shënuam Ditën Ndërkombëtare të Arkivave – ditë, e lidhur me historinë dhe kujtesën e njerëzimit, por edhe me mesazhin që kjo kujtesë të ruhet. Në lidhje me këtë kryetari i Agjencisë Shtetërore “Arkiva”, doc. Dr. Mihaill Gruev vuri në dukje, se qëllimi strategjik i institucionit është arkivimi elektronik.
“Bota ka marrë rrugën drejt zëvendësimit të plotë të dokumenteve në letër me ato elektronike. Kjo është një sfidë e madhe për stafet arkivore jo vetëm në vendin tonë, por edhe në botë – tha ai. – Ja për se përpilojmë standarde, rregulla për tërë administratën shtetërore për ruajtjen e dokumenteve elektronike së pari në institucionet, pas kësaj edhe për dorëzimin e tyre në Agjencinë Shtetërore “Arkiva”. Për garantimin e autenticitetit dhe sigurisë së tyre, ndoshta kjo detyrë do të jetë prioritare për agjencinë në bazë të strategjisë për zhvillimin e qeverisjes elektronike në periudhën deri në vitin 2020.”
Siç shënoi doc. Gruev, kjo është lidhur me zhvillimin e teknologjive të informacionit, edhe me jo pak mjete financiare. Ato zakonisht janë deficit në administratën shtetërore në tërësi, ndërsa në sistemin e arkivave edhe në shkallë më të madhe.
“Kjo është detyrë e qeverisë dhe pikërisht Agjencia “Arkiva” është institucioni, i cili është ngarkuar me përpilimin e standardit në një perspektive të afërt dhe për pranimin e dokumenteve të para elektronike. Nga përvoja që kemi në kontaktet me koleget tanë në vendet e tjera, më në veçanti me ato në BE, dimë, se kjo është sfidë për të gjitha sistemet e arkivave. Sepse qëndron e hapur çështja a do të mund të lexohet dhe a do të mund të përdoren këto dokumente elektronike pas 20,30 dhe 50 vjetësh.”
Ky fakt imponon që në çdo 5 deri në 10 vjet të aktualizohet ky masiv me të dhëna, i cili me kalimin e viteve do të rritet. Por për kolegjiumin botëror arkivor kalimi i administratave shtetërore nga qarkullimi në letër tek qarkullimi elektronik është sfidë. Në sistemet më të zhvilluara arkivore ka arkivim elektronik.
Mes dokumenteve të reja të depozituara në arkiv është koleksioni i Bashkimit “E vërteta”, krijuar në vitin 1990 për studimin e krimeve të regjimit komunist. Në të ka lista ku janë regjistruar njerëzit e persekutuar, dëshmi për vitet e hershme të regjimit totalitar.
Do të shtojmë, se vitin e kaluar e bija e Presidentit të ndjerë Zheljo Zhelev dorëzoi arkivin e të atit. E bija e paraardhësit të tij Petër Mlladenov gjithashtu ka vendosur të dorëzojë arkivin e babait të saj. Në depon e arkivit është paraqitur dhe arkivi i pasur i intelektualit të shquar prof. Marko Semov. Ivan Gazdov, ish rektor i Akademisë së Arteve, gjithashtu ka bërë dhurim. Është i vlefshëm dhe dhurimi i ofruar nga aktori Nino Llukanov nga Stara Zagora. Llukanov është aktor i njohur në teatrin e qytetit dhe në dhurimin e tij ka fotografi, albume, artikuj të gazetave etj.
Përgatiti në shqip: Sofia Popova
Më 10 nëntor 1989, në një mbledhje të Komitetit Qendror të Partisë Komuniste Bullgare (BKP), Todor Zhivkov u lirua nga posti i Sekretarit të Përgjithshëm - posti më i lartë në parti dhe në shtet. Ajo që ndodhi në takim më vonë do të përkufizohej si një..
Arkeologët zbuluan një shishe qelqi shumë të rrallë dhe të vlefshme në një varr të shekullit të II-të në nekropolin jugor të kolonisë romake Deultum pranë fshatit Debellt /Bullgaria Juglindore/. Gjëja unike është se ajo përshkruan mitin e përbindëshit..
Kisha jonë Ortodokse kremton sot Mbledhjen e Shën. Kryeengjëllit Mihail, udhëheqës i ushtrisë qiellore dhe hierarkive engjëllore të patrup, që mundi forcat e errësirës. Është një nga festat më të rëndësishme të krishtera fikse të vjeshtës, e quajtur edhe..