Një projekt modern bullgar propozon një zgjidhje për njerëzit, të cilët duan të pushojnë aty, ku vendosin dhe të ikin nga vendpushimet e zhurmëta, por njëkohësisht të mos të privohen nga komoditeti i shtëpisë. Arkitektja Hristina Hristova është autore e “Koleliba” – një shtëpi pushimi në rrota. Ajo është e ndërtuar mbi një platformë për makinë dhe tërhiqet nga automobili.

Hristina i përshkruan parametrat e saj dhe se me çfarë ajo është më e ndryshme nga të tjerët nga ky tip:

“Ka divan, i cili shndërrohet në formën e krevatit, kuzhinë, banjë dhe vend për ruajtjen e sendeve. Qëllimi është të ketë kaq, saç na është e domosdoshme, jo më shumë, prandaj është dhe 9 kuadrat. Ideja për shtëpi mbi rrota nuk është diçka e re. Ajo lind në Shtetet e Bashkuara, por në një drejtim krejt tjetër. Aty shtëpi të ngjashme përdoren, që të shmangen masat ligjore (të mos të paguhen taksa, në qoftë se shtëpia është mobile) i shmangen dhe tërheqjes së kredisë me hipotekë. Ideja ime është të përdoret krejtësisht si një shtëpi për pushim. Ajo është më e ndryshme, sepse si tërësi shtëpitë në rrota, të cilat ekzistojnë dhe në shtete të tjera, kursejnë maksimalisht shumë vend dhe formohet një ngjeshje e të gjitha gjërave brenda. Për mua qe me rëndësi të ketë hapësirë dhe të mund të ndihesh si në shtëpinë tënde, pa qenë i shtrënguar. Në shtëpi nuk ka asgjë e cila të jetë me përmasa të vogla dhe çdo gjë është me përmasa standarde.”

Me kalimin e kohës vijnë dhe ide të reja, projekti zgjerohet dhe del jashtë kufirit të hapësirës së banesës – muzeu bio i larmisë ekologjike, një klasë mobile mësimi... Hristina e ka projektuar “Kolelibën” kështu që cilësia e jetës në të, të jetë në një nivel të lartë:

“Ajo është efektive nga ana energjetike, sepse nuk ka asnjë shenjë të lënë në terren, që është shumë gjë e vlefshme. Në fakt ky është dhe problemi bazë të ndërtimit – betonimi i terrenit, që në këtë rast mungon. Kohët e fundit është shumë modern tipi off-the-grid (të jesh absolutisht i pavarur nga korrenti, uji dhe burimet e tjera të energjisë), por shtëpia ime nuk është e konstruktuar në këtë mënyrë. Ajo lidhet me rrjete qendrore dhe mund të përdoret për të jetuar gjatë gjithë vitit. Ka izolim ngrohjeje, hidro izolim, është e klimatizuar për çdo një stinë.”

Etapat administrative, përmes të cilave duhet të kalojë njeriu, që të mund të përdorë shtëpinë mobile në bazë të destinacionit përcaktues tek ne, dalin mjaft të ndërlikuara. Ka disa variante, por ai të cilin Hristina dhe bashkëshorti i saj e kanë përdorur, është regjistrimi i platformës. Mbi të, nën formën e një ngarkese, transportohet shtëpia. Sfida është licencimi i shtëpive, që duhet të bëhet përmes të ashtuquajturit tekno test, përmes të cilave kalojnë mjete jostandarde të transportit. Vështirësia vjen dhe nga fakti, se ai zakonisht përdoret për makina dhe mjete transporti, të cilët nuk kanë regjistrim në Bullgari ose për masa të veçanta, të cilat nuk futen tek ne.

Përveç kësaj, me qenë se është individuale, çdo një shtëpi duhet të kalojë përmes kësaj procedure të ndërlikuar. Hristina nuk humbet shpresë dhe besim se do të gjejë rrugë për një regjistrim të lehtë të shtëpisë me rrota dhe në Bullgari.

Përgatiti në shqip: Nataniela Vasileva