Ende ka kënde në Bullgari, të cilat mund të eksplorohen, si dhe shumë ëndrra, të cilat mund të plotësohen. Kështu mendojnë katër eksploruesit e National Geograpfic Channel Bullgaria, të cilat shikuesit e kanalit tashmë i njohin nga 2 stinët e kaluara të projektit Explore Bulgaria. Misioni i tyre është që të zbulojnë dhe t’u tregojnë teleshikuesve vende interesante dhe pak të njohura të atdheut tonë, të tregojnë përjetimet e tyre dhe kështu të na rikujtojnë se sa pak e njohim Bullgarinë.

“Tashmë vitin e tretë me radhë tërë aventura ka qëllim të rrëfejë gjërat e bukura në Bullgari. Vetë ne jemi si të zgjedhur nga Zoti, sepse duke e realizuar këtë produkt, ne i vizitojmë këto vende dhe ia kalojmë shumë mirë,” – tha para paraqitjes së një prej serive të stinës së re të tretë Georgi Bogdanov, i cili është një prej autorëve të Explore Bulgaria.

Para më shumë se dy vitesh dy prej shikuesve të National Geographic Channel kishin mundësi për t’u bërë eksplorues në stinën e parë të projektit. Këta janë ekologu Vasill Popov, i cili arsimohet duke udhëtuar, di shumë dhe i pëlqen për të mësuar edhe më shumë, dhe arkeo-zoologja nga Muzeu i Shkencave Natyrore Nadezhda Karastojanova, për të cilën asnjë shkëmb nuk është mjaftë i lartë dhe asnjë shpellë – mjaftë e errët.

Të dy u zgjodhën nga juria ndër më shumë se 1000 kandidatë. Bashkë me eksploruesit e National Geographic Chanel Bullgaria – Maja Stoillova, instruktore e snoubordit dhe uindsërfit dhe Georgi Pallazov, i cili ka marrë pjesë në lojërat olimpike dhe aktualisht është trajner i notimit, ata filluan ekspeditën e tyre të parë televizive gjatë pranverës së vitit 2014.

Deri në momentin e tanishëm adhuruesit e aventurave kanë paraqitur 12 vende të ndryshme të Bullgarisë. Gjashtë seritë e stinës së dytë të projektit Explore Bulgaria na çojnë deri në malin Stranxha në Bullgarinë Jugperëndimore, Rusenski Llom, me manastiret e tij të njohura shkëmbore, pendën Zhrebçevo, me kishën e tij të zhytur, parkun Ropotamo, me vendin e shenjtë, formimet e bukura shkëmbore dhe faunën dhe florën e pasur. Ata ndërtojnë “uglu” buzë majës Siananica në Pirin dhe pastrojnë gurë të rrezikshëm mbi Kalorësin e Madarës. Stina e tretë, e cila aktualisht është duke u transmetuar nga National Geographic Channel, është xhiruar kryesisht në Rodope. Pjesëmarrësit udhëtojnë me kemper, i cili është kampi i tyre dhe në të cilin kthehen në mbrëmje, pasi e kanë arritur pikën e tyre përfundimtare me biçikleta. Kemperi përdoret edhe për laborator mobil – atje ata i analizojnë të dhënat e grumbulluara.

“Edhe në tri stinët kishim përjetime më të ndryshme – thotë notari profesional Georgi Pallazov. – Tashmë jemi duke punuar mirë, si ekip. Gjithçka u bë shumë mirë dhe shumë shpejt. Në Rodope xhironim 2 javë pa ndërprerje. Çdo një prej stinëve është me emocione të ndryshme. Në fillim ne nuk e dinim se çfarë të prisnim, në stinën e dytë kishim një qëndrim të veçantë dhe kishim përgatitje, si rezultat i përvojës së grumbulluar, por në vendet dhe situatat e ndryshme kjo përgatitje nuk ishte e nevojshme. Tani nuk kishim pritje dhe gjërat thjeshtë ndodhnin në mënyrën më të mirë.”

Dhe nuk mund të jetë ndryshe, gjithsesi çdo një prej serive është një ëndërr e realizuar, një faqe e mbyllur e ditarit të ekspeditës. Maja, Georgi, Vasill dhe Nadezhda e ruajnë në zemrën e tyre aventurën dhe janë të gatshëm për sfida të reja.

Përgatiti në shqip: Vesella Mançeva