Pasi Papa Francisk dhuroi 5 000 euro për restaurimin e Bazilikës së Madhe në Pliska, boksieri bullgar në kategorinë e rëndë Kubrat Pulev dhuroi 2556 euro për kauzën e njëjtë. Ai gjithashtu u angazhua për t’u bërë thirrje të gjithë sportistëve me mundësi të mira financiare për të dhuruar mjete për rimëkëmbjen e katedrales së parë të Kishës Ortodokse Bullgare. Ajo u ndërtua gjatë gjysmës së dytë të shekullit të IX nga princi Boris, i cili në vitin 864 shpalli krishterimin fe zyrtare shtetërore të Bullgarisë dhe të popullit bullgar. Restaurimi i kishës më të madhe të krishterë në Evropë, e cila është e gjatë 102.50 metra dhe e gjerë 30 metra, filloi vitin e kaluar.