Spektakli “Zoti Rock”, të cilin publiku mund ta shikojë në Sofje më 20 shtator, u shfaq para disa vitesh. Në vazhdim të këtyre viteve muzikantët dhe aktorët që marrin pjesë në të ndryshohen dhe pasurohen vazhdimisht. Në projekt marrin pjesë muzikantë profesionistë, aktori i njohur Filip Avramov këndon, kërcen, i bie harmonikës, kitarës... Spektakli tregon për ashtuquajturën “muzikë të ndaluar ” – aq tërheqëse për rebelët e rinj të viteve të 60-të dhe të 70-të të shekullit të kaluar, kur pushteti totalitar në Bullgari i “mbronte” të rinjtë nga “ndikimi perëndimor”. Pikërisht kjo “muzikë djalli” është protagonisti i shfaqjes. Në skenë tingëllojnë këngët e Joe Cocker-it, James Brown-it, grupeve White Snake dhe AC/DC e shumë të tjerë. Regjisori është Petër Kallçev.
“Është e vërtetë se improvizimet në spektakël janë të një niveli shumë të lartë – është dakord Kalin Veljov. – Temat muzikore nuk janë vetëm një imitim. Janë interpretuar nga pikëpamja jonë artistike. Në fakt orkestrimet janë e jona. Ka gjithashtu disa këngë të stilit disko, të prezantuara në mënyrë plot humori. Për mua është diçka zbavitëse, e këndshme, me siguri është një sfidë e madhe. Filipi nuk mund të kontrollohet në skenë, në kuptimin më të mirë të shprehjes. Vazhdimisht jemi gati për ndryshime në tekst, në muzikë. Mendoj se energjia e ritmit, energjia e daulleve mungonin në spektakël, kështu që tani shfaqja është akoma më e mirë. Një nga gjërat më të këndshme janë udhëtimet dhe ne udhëtojmë shumë, si muzikantë të vërtetë të rokut. E kemi prezantuar spektaklin në shumë vende. Kjo formë teatrale ka të ardhme sipas meje, sepse ajo e bën muzikën më të arritshme për njerëzit, më të larmishme. Momenti më i fuqishëm në spektaklin “Zoti Rock” është fakti se aktori bën muzikë, derisa muzikantët hyjnë në territorin e aktorit. Atmosfera e re, në të cilën ndodhemi sjell sfida të reja.”
Përgatiti në shqip: Jordanka Ivanova
"I ftohtë, i cili çan edhe drurin dhe gurin, dy-tri ditë të uritur, ndërsa ai këndon dhe gëzon! Në mbrëmje - para se të shkojmë në shtrat - këndon; në mëngjes, sapo hap sytë, këndon përsëri" - kështu e përshkruan poeti dhe revolucionari Hristo Botev..
Edhe pse populli bullgar e nderon Apostullin e Lirisë Vasill Levski si shenjtor, nuk ka shumë këngë popullore kushtuar atij. Sot ju ofrojmë një prej tyre – “Më thuaj, o pyll” – interpretuar nga fëmijët e grupit vokal “Karllovojs” me drejtore..
Grupi “Ostava” e hap vitin me një këngë të re dhe një turne mini klub. “Fajtori” – siç titullohet kënga e re, hap rrugën drejt një albumi të ri. Albumi pritet të jetë gati në fund të pranverës. Si gjithmonë, muzikantët nga “Ostava” nuk mund të jenë..
“Më trego një përrallë” – titullohet kënga më e re e Miros, të cilën ai ua dhuron të gjithë bashkatdhetarëve të tij që janë larg Bullgarisë...
Me rastin e 25-vjetorit të grupit, DEEP ZONE Project u dhurojnë fansave të tyre një remix krejt të ri modern Afro House të këngës së tyre hit..
Tre grupe të njohura evropiane do të jenë të ftuar specialë në Festivalin e 25-të të Muzikës Evropiane në Sofje. Festimet fillojnë më 12 mars dhe..