Grupi “Ostava” e hap vitin me një këngë të re dhe një turne mini klub. “Fajtori” – siç titullohet kënga e re, hap rrugën drejt një albumi të ri. Albumi pritet të jetë gati në fund të pranverës.
Si gjithmonë, muzikantët nga “Ostava” nuk mund të jenë indiferentë ndaj asaj që po ndodh në botë, ndaj përveç dashurisë, në këngët e tyre përfshihen edhe problematika të dhimbshme aktuale. Këtë e dëgjojmë edhe në “Fajtori” – konfirmon frontmeni Svilen Noev:
"Po, ka këngë për luftërat dhe armët... Sa herë që ka momente të vështira, i pasqyroj ato në tekstet e mia. Themeli i marrëdhënieve njerëzore duhet të jetë dashuria, por gjithmonë ka edhe gjëra të këqija. Një shoku im shkroi se kënga ka qenë optimiste - në fakt, për mua (si personi që e shkroi tekstin) kjo është një këngë e trishtuar për momentin kur ndahesh me një person tjetër dhe ndihesh nga njëra anë i vetmuar dhe nga ana tjetër i lirë".
Përveç hiteve të njohura të grupit, fansat e “Ostava” do të dëgjojnë në koncerte edhe këngën e re “Fajtori”. Turneu filloi më 14 shkurt në Plovdiv dhe do të vazhdojë në Sofje (27.02), Burgas (07.03) dhe Varna (08.03).
Përpiloi: Diljana Traçeva
Foto: YouTube / ostavaofficial, Facebook /Svilen Noev
Përgatiti në shqip dhe publikoi: Vesella Mançeva
Nga 27 deri më 29 qershor, Pllaja Devetashko dhe fshatrat e rajonit janë shndërruar në skenën e festivalit "Xhazi nën Yje". Edicioni i njëmbëdhjetë i një prej ngjarjeve muzikore më poetike në vendin tonë filloi të premten në mbrëmje, 27..
Nga krijimet e të gjithë kompozitorëve bullgarë, muzika e Panço Vlladigerovit është pa dyshim më e interpretuara si në skenën bullgare, ashtu edhe në atë botërore. Kur muzikantët bullgarë duan të përfaqësojnë atdheun e tyre përmes kujtesës së tij zanore,..
Pas vitesh të tëra në skenë në Bullgari dhe në mbarë botën, Zornica Petrova prezanton këngën e saj të parë origjinale - "Fluturo". Sipas Zornicës, kënga "Fluturo" i erdhi vetë. Ajo krijoi muzikën dhe tekstin, ndërsa Shterion Pilidov bëri aranzhimin...
Nga 27 deri më 29 qershor, Pllaja Devetashko dhe fshatrat e rajonit janë shndërruar në skenën e festivalit "Xhazi nën Yje". Edicioni i..