Para disa ditësh Instituti “Shoqëria e Hapur” shpalli të dhënat shqetësuese prej një studimi të opinionit publik në Bullgari. Vetëm katër janë institucionet, të cilat fitojnë më se 50% të besimit të bullgarëve – këto janë Bashkimi Evropian, Kisha Ortodokse, ushtria dhe universitetet. Partitë, të cilat pas më pak se një muaji do të konkurrohen për votat e votuesve, ndodhen në fundin e këtij klasifikimi me besim vetëm 17%. 6% të të anketuarve nuk mund të japin ndonjë mendim konkret, kurse 76% janë kategorikë se nuk besojnë tek forcat politike.

Në sfondin e kësaj kredie të ulët të besimit tek partitë, të regjistruar nga “Shoqëria e Hapur”, agjencitë sociologjike prognozojnë një pjesëmarrje të zakonshme në zgjedhje. Midis 55 dhe 60% të votuesve pohojnë se do të votojnë, 10% nuk do ta bëjnë këtë, të tjerët lëkunden.

Diferenca midis besimi i ulët në partitë politike dhe nivelet e zakonshme të pritura të aktivitetit elektoral tregon se pavarësisht nga mosbesimi bullgari është gati t’i japë përsëri shans politikanët. Mirëpo a do ta përdorin ata këtë mundësi?

Në përgjithësi fushata zgjedhore tani për tani tregon se partitë kuptojnë në mënyrë të drejtë pritjet e qytetarëve dhe premtojnë zgjidhjen e problemeve më të prekshme, të lidhura me të ardhurat e ulëta, korrupsionin, kriminalitetin, emigracionin dhe epërsinë e ligjit. Mirëpo ato e bëjnë këtë formalisht, pa një gatishmëri të vërtetë që të ndërmarrin përgjegjësi për problemet përkatëse. Dhe shpesh tregojnë se janë gati të akuzojnë të tjerët për situatën e keqe. Duket se kujtesa politike është e shkurtër dhe politikanët me lehtësi japin premtime.

Shpesh sjellja e pjesëmarrësve në fushatën zgjedhore frymëzon karikatura në media. Shoqëria “Mensa Bullgaria” i ftoi partitë që të testojnë falas koeficientin e inteligjencës së kandidatëve për deputetë me vetëm një kusht – ata të bien dakord me shpalljen e rezultateve publikisht. Dhe pavarësisht se një pjesë e elitës politike është pro sistemit mazhoritar zgjedhor, tani për tani askush nuk e ka përdorur këtë ofertë.

Pak pas fillimit të fushatës zgjedhore u bënë të njohur fakte shqetësuese, të cilat nuk janë në përputhje me sjelljen adekuate publike. Një monitorim i Institutit për Zhvillimin e Mjedisit Publik tregoi se partitë në Bullgarinë e varfër kanë harxhuar 1 162 000 leva për pasqyrimin e aktiviteteve të tyre në media. Pothuaj 830 mijë janë paratë e harxhuara nga tri partitë më të mëdha, me pozita më të favorshme para zgjedhjeve. Në të njëjtën kohë nga 20 subjekte politike të regjistruara në Kontrollin e Lartë të Shtetit (11 parti dhe 9 koalicione) vetëm 5 kanë deklaruar se pranojnë dhurime financiare.

Deri në zgjedhjet e parakohshme më 26 mars ka kohë dhe po të dëshirojnë pjesëmarrësit në procesin zgjedhor mund të korrigjojnë sjelljen e tyre. Mirëpo vetë zgjedhjet nuk do të përmirësojnë rejtingun e partive, vetëm do të sigurojnë një kredi besimi dhe pritje për plotësimin e premtimeve të dhëna. Po të mbështetemi tek analizat e agjencisë Market Links, në këtë etapë pritjet janë skeptike. 51% të bullgarëve mendojnë se gjërat në bullgari po ecin në drejtimin e gabuar, 36% e kanë të njëjtën mendim, mirëpo nuk janë aq kategorikë dhe mund të them se janë optimistë. Vetëm 13% kanë pritje pozitive.

Përgatiti në shqip: Jordanka Ivanova