Një takim i Prokurorit të Përgjithshëm me një përfaqësues të biznesit të gazit në Bullgari me ndërmjetësinë e një afaristi tjetër të dalluar me veprimtari aktive politike, tashmë dy muaj provokon debate të ashpra. Kohët e fundit ato dalin nga sfera e rrethanave konkrete dhe po ndodhen në fushën e ndërlikuar të ndarjes së pushteteve. Kushtetuta reglamenton ndarjen e saktë të funksioneve të pushtetit ligjvënës, ekzekutiv dhe gjyqësor, të cilat zbatohen nga institucionet përkatëse. Mirëpo duket se aktualisht një ndarje e tillë e qartë mungon – këtë e tregon tensioni brenda tyre, që është duke u rritur.
Gjatë ditëve të pushimit në një takim me gazetarë Prokurori i Përgjithshëm Sotir Cacarov bëri thirrje për pranimin e kritereve të sakta për këtë me çfarë njerëzish mund të takohen vetë ai dhe të gjithë përfaqësuesit e pushtit ekzekutiv dhe ligjvënës. Përveç kësaj Cacarovi tha se jo vetëm prokurori i përgjithshëm, por edhe kryetari i Gjykatës së Lartë Administrative dhe ai i Gjykatës së Lartë të Kasacionit, duhet të jenë objekt i njëfarë mekanizmi të kontrollit. Mirëpo sipas Prokurorit të Përgjithshëm ky mekanizëm mund të implementohet jo nëpërmjet ndryshimeve kushtetuese, siç dëshiron të bëhet kryetari i Gjykatës së Lartë të Kasacionit, por vetëm nëpërmjet amendamenteve në Ligjin për pushtetin gjyqësor dhe në Kodin Penal.
Në fakt fjalët e Prokurorit të Përgjithshëm e vënë në dyshim kompetencën e disa prej veprimeve të shefit të Gjykatës së Kasacionit Llozan Panov (ky është institucioni, i cili mund të vlerësojë kushtetutshmërinë e akteve shtetërore). Pranueshmërinë e veprimeve të Llozan Panovit e vuri në dyshim edhe Presidenti Rumen Radev, i cili para disa ditësh nuk pranoi thirrjen e tij për formimin e një komisioni të posaçëm, i cili duhet të shqyrtojë pranueshmërinë e takimit në fjalë mes Prokurorit të Përgjithshëm dhe dy biznesmenëve.
Edhe kryeministri Bojko Borisov nuk pranoi thirrjet e Kryetarit të Gjykatës së Kasacionit. Ai u takua me të, mirëpo në praninë e zëvendëskryeministres së përgjegjshme për reformën e Gjyqësorit – Ekaterina Zaharieva dhe të ministres së drejtësisë Cecka Caçeva. Pas këtij takimi Borisovi nuk e komentoi atë para gazetarëve, Caçeva tha se nuk mund të bjerë dakord me Panovin, se ndryshimet e deritanishme në sistemin gjyqësor janë “një mimikri e reformave”, kurse nga ana e vet Zaharieva bëri thirrje që ai të fletë më konkretisht.
Disa deklaratat e bëra nga kryetari i Gjykatës së Kasacionit tregojnë se pakënaqësia e tij nuk do të përfundojë deri këtu dhe pavarësisht nga mossukseset e tij të deritanishme, ai do të prezantojë argumentet e tij para partive me përfaqësi parlamentare. Çështjet e lidhura me ndarjen e pushteteve janë tepër të ndërlikuara për shumicën e bullgarëve dhe ndoshta shumë prej tyre nuk e kuptojnë në thellësi debatin skandaloz. Mirëpo fakti se ky debat zhvillohet në nivel aq të lartë në vazhdim të aq shumë kohe, pa rezultate të dukshme, shton kureshtjen e njerëzve. Ndoshta ata janë të pakënaqur nga fakti se për më shumë se çerek shekull pas ndryshimeve demokratike në shtet, ndarja e pushteteve vazhdon të jetë problematike.
Përgatiti në shqip: Jordanka Ivanova
Kriza politike në Bullgari solli befasinë e zgjedhjeve të parakohshme parlamentare - të gjashtat në më pak se tre vjet. Nga një parlament gjashtëpartiak, parlamenti ynë u rrit me një forcë të re politike, pasi 13 deputetë do të ketë partia politike..
Fitorja në dukje vendimtare e GERB-SDS në zgjedhjet për parlamentin kombëtar nuk do të thotë se partia me çdo kusht do të arrijë të formojë një qeveri në të vetmen formë të mundshme të imponuar gjatë qeverisjes së fundit, pra të ashtuquajturin..
Zgjedhjet për Parlamentin Evropian më 9 qershor 2024 kaluan pa lëkundje të veçanta për formacionet drejtuese politike. Partia Popullore Evropiane dhe socialistët mbeten në krye dhe ndoshta do të vazhdojnë të ndjekin politikat e tyre të përshkruara...
Forcat politike të përfaqësuara në parlament kanë reaguar me një dozë të fortë skepticizmi ndaj propozimit ekscentrik të "Po e vazhdojmë ndryshimin -..