Përvjetorin e 171-të nga lindja e revolucionarit të madh Hristo Botev e shënuam të dielën në tërë Bullgarinë. Më e madhe ishte ceremonia përkujtimore në qytetin e tij të lindjes Kallofer, ceremoni të tilla organizuan bullgarët tek ne dhe jashtë shtetit.

“Në emër tëBullgarisë ai flijoi më të shtrenjtën – jetën e vet në një moshë fare të re – 28 vjeç” – tha në sheshin qendror të Kaloferit Nënpresidentja Ilijana Jotova.

Përvjetori i lindjes u shënua dhe në Sofje në parkun e quajtur “Kopshti i Boristit”, ku ndodhet busti i heroit tonë kombëtar. “Botevi është jo vetëm një poet gjenial dhe revolucionar, ai është mbartësi i ndryshimit për brezat e ardhshme” – tha në fjalimin e tij ministri i mbrojtjes Krasimir Karakaçanov pas vendosjes së kurorës së luleve dhe vazhdoi: “Me publicistikën e vet ai bëri shumë për konsolidimin e ndërgjegjes kombëtare bullgare”.