Pritet që në fillim të marsit Kryeministri rus Dmitrij Medvedev ta vizitojë Bullgarinë. Është parashikuar gjithashtu zhvillimi i një forumi të madh dypalësh në sferën e turizmit. Këtë e deklaroi Georgi Minçev, Kryetar i Dhomës Tregtaro-Industriale Bullgaro-Ruse. Takimi i radhës mes dy palave është vazhdim i politikës së ristartimit të marrëdhënieve dypalëshe mes Sofjes dhe Moskës pas vizitës së Presidenti Rumen Radev dhe Kryeministrit Bojko Borisov në Kremlin gjatë muajit maj të vitit të kaluar. Kjo do të jetë vizita e dytë e Dmitrij Medvedevit te ne. Për herë të parë ai e vizitoi Bullgarinë gjatë dimrit të vitit 2008, pak para se të zgjidhet President i Rusisë. Atëherë Medvedev ishte pjesë e delegacionit të Presidentit Vladimir Putin.