Bullgaria është ndër vendet me potencial të madh për investime në turizëm, sferë kjo e cila mezi tani biznesi do të zbulojë, ndërsa ne do të inkurajojmë këtë interes. Këtë e tha në Sevilja ministrja e turizmit Nikolina Angellkova para pjesëmarrësve në takimin e 19-të global të nivelit të lartë të Këshillit Botëror të Udhëtimeve dhe të Turizmit. Forumi mbahet nga 2 deri më 4 prill të këtij viti nën moton “Nismëtarë në sektorin turistik” (Changemakers). Zonja Angellkova theksoi, se në industrinë turistike bullgare punojnë më se 26 mijë firma. Sektori në fjalë bashkë me industritë e përngjashme gjeneron 11.7 për qind nga produkti i brendshëm bruto i vendit dhe u ngrit nga qeveria si prioritet kombëtar, theksoi ministrja Angellkova.