Do të inkurajoj Bullgarinë për reformat kështu që të garantohet sundimi i ligjit dhe lufta me korrupsionin. Këtë e deklaroi në një takim në Sofje me homologun e tij bullgar Rumen Radev presidenti i Gjermanisë Frank-Valter Shtajnmajer. Ai vuri në dukje, se Bullgaria është një faktor stabilizues në fushën e bashkëpunimit në kuadrin e BE-së. Sipas tij Gjermania ka interes që marrëdhëniet politike, kulturore dhe ekonomike midis të dy vendeve të bëhen edhe më të ngushta. Gjermania përkrah krijimin e një uzine të “Folksvagen”-it në Bullgari, theksoi zoti Shtajnmajer.  “Partneriteti i suksesshëm ekonomik bullgaro-gjerman na jep shpresë të besojmë, se Bullgaria është gati të ketë një investitor strategjik me një cikël të mbyllur të prodhimit”, theksoi presidenti Radev.
Për këtë investim konkurrues të Bullgarisë janë Serbia dhe Turqia, të cilat nuk janë anëtare të BE-së.

Në një takim të presidentit Shtajnmajer me kryeministrin Bojko Borisov theksi u vu mbi sigurinë. Zoti Borisov tha, se vendi ynë plotëson me sukses angazhimin për mbrojtjen e kufirit të jashtëm të BE-së. Ai vuri në dukje, se është i domosdoshëm një mekanizëm i qëndrueshëm evropian, i cili t’u japë përgjigje çështjeve të migracionit.