Në mbledhjen e jashtëzakonshme të Këshillit Evropian thirrur për sot Bullgaria do të prezantohet nga kryeministri Bojko Borisov. Në forum liderët evropian do të diskutojnë mundësitë për një afat alternativ më të gjatë për tërheqjen e Mbretërisë së Bashkuar nga BE-ja. Pak para mbledhjes Këshilli i Ministrave i Bullgarisë miratoi pozitën, që vendi të përkrahë konsensus për shtyrjen e datës së Brexit-it, në se një kërkesë e tillë do të formulohet qartë nga pala britanike. Sofja është e mendimit, se marrëveshja për rregullimin e tërheqjes dhe periudha e parashikuar kalimtare në të janë varianti më i mirë, i cili do të sigurojë mjaftë kohë për adaptimin e shtetasve dhe biznesit me kushtet pas tërheqjes së Mbretërisë së Bashkuar.