“E përkrahim Bullgarinë për Shengenin”, deklaroi Kryeministri i shtetit të lirë Bavari Markus Zjoder pas takimit sy më sy me homologun e tij bullgar Bojko Borisov. Zjoder është për vizitë në Bullgari me ftesë të Borisovit. Të dy shqyrtuan bashkëpunimin dypalësh në fushën e punëve të brendshme, sigurisë, ekonomisë dhe financave dhe tema të tjera nga rendi evropian i ditës. Zjoder e quajti vendin tonë “një fakt të rëndësishëm për stabilitetin e tërë regjionit” dhe na lavdëroi për ruajtjen e suksesshme të kufijve të jashtëm të BE-së. Borisov ishte kategorik se shteti ynë është një vend shumë i mirë për investime dhe është krejtësisht i përgatitur për Hapësirën e Shengenit.