Me urdhër të Zëvendëskryeministres dhe Ministres së Punëve të Jashtme Ekaterina Zaharieva Ambasadori turk te ne Hasan Ulusoj sot duhet të vizitojë Ministrinë tonë të Jashtme për të dhënë sqarime pas deklaratës së tij që shkaktoi tension mes Bullgarisë dhe Turqisë. Ditën e shtunë gjatë hapjes së një uzine të re në Kërxhali ai deklaroi se shteti bullgar duhet të inkurajojë mësimin e gjuhës turke, që të tërheqë më shumë investime turke. Sipas MPJ-së fjalët e Ambasadorit janë shqetësuese, sepse qeveria bullgare kurrë nuk e ka penguar mësimin e lirë të gjuhëve të huaja, ndërsa turqishtja mund të mësohet krahas anglishtes, gjermanishtes, frëngjishtes, kinezishtes, rumanishtes, hebraishtes. Ministria bëri të ditur se fjalë të tilla nuk janë në frymën e marrëdhënieve të mira fqinjësore.