Edicioni amerikan “The New York Times” publikoi një artikull të hollësishëm të gazetarit Sebastian Modak, kushtuar Plovdivit. Autori na tregon se ka pasur nevojë për disa ditë, që të kuptojë se Plovdivi nuk është vetëm histori dhe turizëm, por është një qytet i gjallë, ku ka shumë “shtresa”. Pasi përshkruan përshtypjet e tij të fuqishme nga lagja artistike “Kapana”, amfiteatri mijëvjeçar, Qyteti i Vjetër, Muzeu Etnografik, rruga kryesore dhe kuriozitete të tjera Mondak thekson se Plovdivi është një nga 52 vendet, të cilat duhet të vizitojmë medoemos këtë vit, edhe për shkak të kalendarit plot ngjarje, sepse gjatë 2019-ës Plovdivi është shpallur Kryeqytet Evropian i Kulturës. Një vëmendje të posaçme autori u kushton takimeve të tij me krijues të shquar të Plovdivit, të cilët janë “fajtorët” për vendosjen e artit bashkëkohor bullgar në hartën evropiane.