Ekspozita fotografike “Magjia e Lindjes” është radhitur në galerinë në të hapur “Ura e të dashuruarve” pranë Pallatit Kombëtar të Kulturës në Sofje. Ekspozita paraqet jetën e përditshme, kulturën dhe natyrën e 17 shteteve të Azisë. Ndër to janë Vietnami, Emirati i Kuvajtit, India, Indonezia, Irani, Iraku, Kina, Mongolia, Emiratet e Bashkuara Arabe dhe Japonia.

Ekspozita është pjesë e Festivalit të ardhshëm të kulturës aziatike, i cili do të zhvillohet nga data 15 qershor në Estradën Verore dhe në shtigjet pranë saj në Kopshtin e Borisit në Sofje. Ajo do të vazhdojë deri më 26 maj, ndërsa festa e kulturave të kontinentit aziatik gjatë qershorit do t’u ofrojë vizituesve shumë shfaqje artistike, arte luftarake, rikrijime të ritualeve tradicionale, degustime kulinare, atelie për valle, jogë, lojëra të ndryshme, qepje, si dhe ekspozitë suveniresh dhe sendesh nga jeta e përditshme.