Gjatë vitit 2018 Bullgaria ka eksportuar për vendet e BE-së mbi 100 tonë mjaltë bletësh, ndërsa për vendet jashtë BE-së – 4 tonë. Eurostat publikoi të dhënat me rastin e 20 majit – Dita Botërore e Bletarëve. Bullgaria ka importuar gjithashtu 12 tonë mjaltë bletësh nga vendet jashtë BE-së dhe 3.5 tonë mjaltë nga vendet e bashkësisë. Sipas Bashkimit të Bletarëve Bullgarë Bullgaria është një nga eksportuesit e rëndësishëm të mjaltit cilësor për Gjermaninë, Austrinë, Italinë, Francën, SHBA-në, Norvegjinë, ndërsa kohët e fundit ajo eksporton mjaltë edhe për vendet e Lindjes së Mesme. Përqindja e Bullgarisë në tregun evropian (1 për qind) është e vogël, por kompensohet nga cilësia e lartë e mjaltit, shënojnë prodhuesit. Sipas të dhënave të Eurostatit Kina është importuesi më i madh i mjaltit në BE – afro 80 000 tonë dhe 40 për qind në tregun e bashkësisë.