Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Zgjedhjet Evropiane 2019: Tema evropiane përsëri në rendin e ditës në fundin e fushatës zgjedhore

Pesë ditë para zgjedhjeve për deputetë të Parlamentit Evropian, të cilat në Bullgari do të zhvillohen më 26 maj, temat evropiane rikthehen në deklaratat e pjesëmarrësve në fushatën zgjedhore, duke pasur parasysh se deri tani në to dominonin çështjet e politikës së brendshme.

Në Bullgarinë Lindore Maria Gabriel, e cila është në krye të listës së GERB-it dhe Bashkimit të Forcave Demokratike, shumë herë nënvizoi se ndër qëllimet kryesore të kandidatëve për deputetë evropianë nga këto dy parti janë rritja e prestigjit të Bullgarisë në Evropë dhe pranimi i një buxheti më të favorshëm për shtetin tonë, sa i përket politikës së përbashkët bujqësore. Sipas Maria Gabriel përvoja e deritanishme e evrodeputetëve nga GERB-i dhe Bashkimi i Forcave Demokratike u jep atyre përparësi para oponentëve të tyre, të cilët më parë duhet të mësojnë shumë për funksionimin e institucionit.

Liderja e Partisë Socialiste Bullagre Kornelia Ninova tha se deputetët evropianë nga partia e saj do të punojnë për një pagë minimale evropiane, e cila duhet të jetë 60% prej pagës mesatare dhe për pension të caktuar minimal, në bazë të të cilit do të llogariten të gjitha pensionet në Bullgari. Lidhur me pranimin e vendit tonë në Hapësirën Shengen, Ninova tha se kjo varret në vend të parë nga veprimet e vetë Bullgarisë dhe nga efikasiteti i luftës me korrupsionin. Shtoi gjithashtu se Partia Socialiste Bullgare është kundër sanksioneve ndaj Rusisë.

Pikëpamje të kundërta kanë përfaqësuesit e pozitës dhe opozitës edhe mbi temat evropiane. Niniova akuzoi qeveritarët për këtë se një përfaqësues i tyre ka votuar kundër kandidates rumune për postin e ri të Kryeprokurorit evropian – Laura Kovesi. Përgjigja e GERB-it ishte se në Këshillin e BE-së nuk ka pasur votim “pro” ose “kundër” kandidaturës së saj, kurse pohimi se Bullgaria ka votuar “kundër” saj është një lajm i rremë.

Pesë ditë para ditës së votimit Angell Xhambazki, i cili është në krye të listës së kandidatëve për deputetë evropianë nga partia VMRO postoi në Facebook një koment të zemëruar të lidhur me protestën e romëve në qytetin e Burgasit (Bullgari Lindore) kundër ndërprerjes së furnizimit me ujë në lagjen e tyre për shkak të llogarive të papaguara. Duke deklaruar përkrahjen e tij për masën adekuate të ndërmarre nga ujësjellësi, ai i bëri thirrje bashkisë dhe policisë që të kryejnë punën e tyre, duke qetësuar tensionin në qytet. Sipas tij mosrespektimi i ligjit duhet të ketë pasoja sanksionuese, kurse protesta kundër normave shoqërore është një paturpësi.

Agjencia sociologjike “MarketLinks” shpalli të dhënat e një studimi , sipas të cilit disa ditë para zgjedhjeve GERB-i e ka përkrahjen e 29,6% prej shoqërisë bullgare, kurse Partia Socialiste Bullgare – 27,5%. Përkrahja për partitë e tjera është siç vijon: për Lëvizjen për të Drejtat dhe Liritë – 6,9%, për koalicionin VMRO-Demokracia e Re Bullgare – 5,7%%, për Bullgarinë Demokratike – 4,7%, kurse për partinë “Volja” – 2,9%.

Përgatiti në shqip: Jordanka Ivanova



Последвайте ни и в Google News Showcase, за да научите най-важното от деня!

Më shumë nga rubrika

Ngjarjet me adresë ballkanike

Turqia ka shpallur luftë tatimore për mallrat e lira nga jashtë Turqia ka vendosur të rrisë ndjeshëm taksat për mallrat e blera jashtë vendit. Kufiri pa taksa për mallrat e blera jashtë vendit është ulur nga 150 në 30 euro (1098.87 TL)...

botuar më 24-08-10 6.05.PD
Svetlin Taçev

Pushteti i përkohshëm u bë një tipar karakteristik i situatës politike në Bullgari

Bullgaria po përballet me zgjedhjet e shtatë të parakohshme parlamentare radhazi në tri vitet e fundit. Arsyeja është se edhe një herë, të tri mandatet eksploruese, t’u dorëzuara nga presidenti partive të përfaqësuara në parlament, mbetën të..

botuar më 24-08-09 7.05.PD

Presidenti Rumen Radev: Është shumë e rëndësishme të garantohet funksionimi normal i shtetit

Në fillim të konsultimeve politike për emërimin e ushtruesit të detyrës së kryeministrit dhe të qeverisë së re të përkohshme, kreu i shtetit tregoi se praktikisht ka nisur fushata zgjedhore. Sipas Rumen Radevit, Asambleja e 50-të Kombëtare nuk ka..

botuar më 24-08-08 6.49.MD