Rritja e çmimit të korrentit dhe ngrohjes qendrore në Bullgari nga 1 korriku i këtij viti është për shkaqe që nuk varen nga Bullgaria dhe mbi të cilat as qeveria, as Enti Rregullator i Ujit dhe Energjisë nuk mund të ndikojnë. Kryetari i Entit Ivan Ivanov tha se një nga arsyet është rritja e çmimit të emetimeve të dyoksidit të karbonit në tregjet botërore, i cili në bursat evropiane arriti 25 euro/ton. Këto emetime blihen nga të gjitha kompanitë energjetike. Arsyeja e dytë është situata e ndërlikuar me Iranin dhe Venezuelën, të cilët rritën çmimin e naftës, kurse ai merr pjesë në formulën për llogaritjen e çmimit të gazit natyror, shpjegoi Ivanovi.