Bullgarët iu besojnë më shumë lajmeve të Radios Kombëtare Bullgare, tregon raporti vjetor i Institutit të Studimit të Gazetarisë “Rojters” pranë Universitetit të Oksfordit. Radioja Kombëtare Bullgare është me rezultat më të lartë sipas treguesit “besim në media ndër njerëzit të cilët e shfrytëzojnë për informacion” me 8.18 nga 10 pika të mundshme. Tendenca është te rritja e besimit pasi në vitin 2018 treguesi ishte 8.01. Grupi i sajteve të Radios Kombëtare Bullgare për herë të parë është në top 16 të mediave me akses më të madh. Mezi 40 për qind nga bullgarët iu besojnë lajmeve, tregon raporti. 52 për qind prej bullgarëve mendojnë se mediat kombëtare janë shumë negative. Ndër konkluzionet kryesore të anketës së bërë në 38 vende është se gjithnjë më shumë njerëz shqetësohen nga dezinformacioni, kërkojnë burime më të sigurta, por asnjeri nuk dëshiron të paguajë për gazetari të mirë.