Komisioni për Mbrojtjen e Konkurrencës hodhi poshtë ankesën e shoqatës “Toplivo 2” kundër zgjedhjes së furnizuesit të gypave për lidhjet e gazit me Greqinë. Ankesa u shtrua më 21 maj, kur shoqata u hoq nga konkursi, ndërsa Kompania e Projektimit ICGB, në të cilën aksionarë me pjesëmarrje të barabartë janë Holdingu Energjetik Bullgar dhe Shoqata Greko-Italiane ICI Poseidon, zgjodhi zbatues kompaninë greke Corinth Pipeworks Pipe Industry. Antimonopolisti nuk respektoi pretendimet e shoqatës “Toplivo 2”. Vendimi mund të apelohet para Gjykatës së Lartë Administrative. “Toplivo 2” tashmë apeloi para Gjykatës së Lartë Administrative një vendim tjetër të Komisionit për Mbrojtjen e Konkurrencës me të cilën lejohej realizimi paraprak i kontratës me kompaninë greke Corinth Pipeworks Pipe Industry që të mos bllokohet ndërtimi i interkonektorit i cili duhet të jetë gati deri në fund të vitit 2020.