Ekzistojnë një sërë dallimesh të konsiderueshme në projektimin dhe mënyrën e eksploatimit të reaktorëve të tipit të atij të Çernobilit (RBMK) dhe reaktorëve në centralin atomik elektrik “Kozloduy” (VVER), ku një avari e ngjashme është e pamundshme. Këtë e deklaroi sekretari ekzekutiv i forumit atomik “Bulatom” Stanisllav Georgiev, duke u përgjigjur kritikave të lidhura me sigurinë e energjetikës sonë bërthamore pas linçimit të filmit të HBO –së “Çernobili”. Kryetari i Agjencisë së Rregullimit Bërthamor, i cili ka qenë në krye të këtij institucioni në periudhën 2004-2013 Sergej Coçev shtoi se katastrofa e Çernobilit e ka kontributin e vet për përmirësimin e sigurisë së energjetikës bërthamore botërore. Pas kësaj katastrofe janë hartuar standarde të reja të sigurisë. Bashkimi Evropian gjithashtu ka shumë direktive të lidhura me sigurinë atomike, të cilat shtetet-anëtare janë detyruar t’i respektojnë.