Zëvendëskryeministrja dhe ministrja e punëve të jashtme Ekaterina Zaharieva merr pjesë në takimin joformal të ministrave të punëve të jashtme të Organizatës për Siguri dhe Bashkëpunim në Evropë. Forumi është organizuar në Sllovaki në kuadrin e kryesisë së Sllovakisë të organizatës. Zaharieva nënvizoi nevojën në botën e sotme të ndryshimeve të vazhdueshme për funksionimin e një rendi ndërkombëtar në bazë të rregullave dhe normave dhe për institucione ndërkombëtare, të cilat mund të garantojnë sigurinë, zhvillimin e qëndrueshëm dhe respektimin e të drejtave të njeriut. “Një sistem efektiv ndërkombëtar duhet të inkurajojë zgjidhjen e konflikteve midis shteteve në mënyrë paqësore. Duhet të mendojmë për lehtësimin e jetës së njerëzve, të cilët jetojnë në zonat e konflikteve. Bota është ndërlidhur. Duhet të mendojmë më shumë për gjërat, të cilat na bashkojnë, jo për ato, të cilat na ndajnë”, tha Zaharieva.