“Partneriteti Lindor arriti rezultate të konsiderueshme, por ka edhe më shumë për të bërë. Bashkimi Evriopian duhet të ketë vizion për të ardhmen e Partneritetit pas 2020-ës”. Këtë e tha zëvendëskryeministrja dhe ministra e punëve të jashtme Ekaterina Zaharieva në Konferencën ndërkombëtare në Batumi të Gjeorgjisë, të kushtuar 10-vjetorit të nismës. Forumi mblodhi në Gjeorgji politikanë të lartë nga Bashkimi Evropian dhe Partneriteti Lindor, përfaqësues të biznesit, rretheve shkencore dhe sektorit joqeveritar. Ndër arritjet e Partneritetit Zaharieva nënvizoi Marrëveshjet e Asociimit, zonat e tregtisë së lirë me Gjeorgjinë, Moldavinë dhe Ukrainën dhe marrëveshjet me Armeninë dhe Azerbajxhanin. Shkëmbimi tregtar është rritur shumë gjatë viteve të fundit , tha Zaharieva. “Bashkimi Evropian është vendi më i mirë për të jetuar, por duhet të bëjmë më shumë dhe këtu me rëndësi të madhe është roli i njerëzve të rinj”.