Ministrja e bujqësisë, ushqimeve dhe pyjeve Desisllava Taneva deklaroi se situata në Bullgari në lidhje me murtajën afrikane të derrave tashmë kërkon jo masa preventive, por aktive për përballimin e sëmundjes. Duke plotësuar këshillat e ekspertëve evropianë, autoritetet fillojnë takime me grupet dhe organizatat e gjahtarëve dhe me përfaqësuesit e ekonomive pyjore. Ato do të shpjegojnë rregullat e reja për veprim kundër murtajës afrikane. Mishi i derrit në treg po kontrollohet rreptësisht. Mishi i infektuar nuk është i rrezikshëm për njeriun, por sjell dëme të jashtëzakonshme për ekonominë dhe industrinë e rritjes së derrave, shpjegoi ministrja.