Rreth të gjitha fermave për rritje derrash në Bullgari po krijohen zona karantine prej 20 kilometrash. Atje është ndaluar rritja e derrave shtëpiake dhe do të forcohet kontrolli mbi lëvizjen e kafshëve, vendosi Këshilli Epizootik. Në të gjitha thertoret për derra do të punohet vetëm në prani të veterinarit dhe të policisë ushtarake, tha Ministrja e Bujqësisë Desisllava Taneva. Masat aplikohen menjëherë. Shteti do t’i kompensojë pronarët e të gjithë kafshëve të eutanizuara dhe do të presë rimëkëmbje të shpenzimeve nga BE-ja. Zëvendëskryeministri Tomosllav Donçev u bëri thirrje bullgarëve për t’i përkrahur autoritetet, ndërsa mishi i kafshëve të therura shtëpiake të përpunohet në mënyrë termike dhe të mos ruhet në frigoriferë.