Presidenti i Eurogrupit Paschal Donohoe pret një konsensus në takimin e sotëm në Luksemburg për hyrjen e Bullgarisë në еurozonë, njoftoi korrespondentja e BNR në Bruksel, Angelina Piskova.

"Unë besoj se hyrja e Bullgarisë në еurozonë do të jetë shumë e mirë për ekonominë bullgare dhe se kjo do të kontribuojë në rëndësinë dhe suksesin e еurozonës. Pashë në Irlandë se çfarë ka sjellë kjo për bizneset, për njerëzit që duan të udhëtojnë, për studentët, gjithashtu lehtësitë e mëdha të ndarjes së monedhës me fqinjët dhe të qenit pjesë e një njësie kaq të fortë monetare si euroja. Ekziston një konsensus që do ta shihni më vonë sot për hyrjen e Bullgarisë, dhe besoj se kjo do të hedhë themelet për fazën tjetër të suksesshme të ekonomisë së saj", tha Donohoe.

Lidhur me shqetësimet ekzistuese në shoqërinë bullgare në lidhje me inflacionin dhe rritjen e çmimeve pas miratimit të еuros, Donohoe theksoi se me politikën e duhur buxhetore në vitet e ardhshme, Bullgaria do të përballet me sukses me këtë sfidë.

Lexoni më tepër në arkivin tonë:

• Për shkak të Bordit Valutor, Bullgaria në praktikë ka pranuar euron që nga shekulli i kaluar

• Mbështetja për aplikimin e euros po rritet, tregojnë sondazhet

• Në eurozonë, Bullgaria do të ruajë politikën e saj monetare konservatore

• Raportohet rritje e kërkesës për euro midis konsumatorëve bullgarë

• Euroja po vjen: efektet dhe negativet

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: BTA