Pas 53 vitesh në Dojran të Maqedonisë së Veriut përsëri u ngrit monumenti 7 metrash i kolonelit Konstantin Kavarnaliev. Monumenti i heroit bullgar nga Lufta Ballkanike u hodh në erë nga autoritetet jugosllave në vitin 1966. Kryeministrat e Bullgarisë dhe të Maqedonisë së Veriut Bojko Borisov dhe Zoran Zaev vunë kurora edhe para varrit të Goce Dellçevit. Komisioni i Përzier për Traktatin e Fqinjësisë së Mirë mes Bullgarisë dhe Maqedonisë së Veriut duhet të punojë pa ndërprerje për gjetjen e kompromisit për personalitetin e Goce Dellçevit, bënë thirrje ata gjatë festimit të përvjetorit të dytë të nënshkrimit të Traktatit. Historianët duhet të arrijnë një formulim të pranueshëm edhe për të dyja palat sa i përket personalitetit të Goce Dellçevit.