Ka një rrezik real që 45 mijë tonë mjaltë nga Amerika Jugore të vijnë në tregun evropian përmes importit pa taksa, paralajmërojnë nga Asociacioni i Prodhuesve të Mjaltit Biologjik. Kjo mund të bëhet si pasojë të marrëveshjes tregtare midis Bashkimit Evropian dhe MERCOSUR (Tregu i Përbashkët Amerikanojugor). Sipas bletarëve bullgarë kjo mund të çojë deri në rënien e çmimit të mjaltit bullgar i cili është me cilësi të lartë, si dhe në mbylljen e tregut të Bashkimit Evropian për të. Përveç kësaj në tregun evropian do të hyjë mjaltë me pesticide. Bletarët kërkojnë masa për kufizimin e pasojave të rëndë për sektorin bullgar të mjaltit. Sipas të dhënave të Departamentit të bujqësisë pranë Komisionit Evropian vendi ynë është në një nga vendet e fundit në Evropë për nga konsumi i mjaltit të bletës. Bullgaria prodhon mesatarisht 10 mijë tonë mjaltë për vit, nga të cilët mezi 2 mijë konsumohen në tregun bullgar. 8 të tjerët shiten në Evropë.