Gjatë tremujorit të fundit koeficienti i aktivitetit ekonomik për popullsinë e moshës 15 – 64 vjeçe është rritur me 2 për qind në krahasim me tremujorin e njëjtë të vitit 2018 – tregojnë të dhënat e Institutit Kombëtar të Statistikave. Koeficienti i punësimit të popullsisë gjithashtu rritet me 2.8 për qind, në dallim të atij të papunësisë, i cili është ulur me 1.3 për qind. Të papunët e përhershëm përbëjnë 5.2 për qind të personave ekonomikisht joaktivë në të njëjtin grup moshe. 63.3 për qind e të gjithë të punësuarve punojnë në sektorin e shërbimeve, 30.00 për qind – në industri dhe 6.7 për qind – në bujqësi, në pylltari dhe peshkim. Koeficienti i punonjësve të moshës nga 20 deri në 64 vjeç është rritur me 3.1 për qind dhe rritja tek meshkujt dhe femrat është pothuajse e njëjtë. Ndër popullsinë e moshës 55 – 64 vjeç gjithashtu vëzhgohet rritje (4.0 për qind). Gjithsej numri i të papunëve është 142 mijë, 58.2 për qind prej të cilëve janë burra, ndërsa 41.8 për qind – gra. Prej tyre 15.1 për qind janë me arsim të lartë, 45.1 për qind – me arsim të mesëm dhe 39.8 për qind – me arsim tetëvjeçar, ose më të ulët.