Zëvendëskryeministrja dhe Ministre e Punëve të Jashtme Ekaterina Zaharieva u takua në Bukuresht me Kryeministren e Rumanisë Viorica Dăncilă. Diplomatja e parë bullgare është për vizitë njëditore pune në fqinjin tonë verior. Në kuadrin e vizitës së saj ajo do të mbajë një ligjëratë në konferencën vjetore të ambasadorëve rumunë në botë. Zaharieva dhe Dăncilă shqyrtuan marrëdhëniet dypalëshe dhe rezultatet e kryesisë bullgare dhe të asaj rumune të Këshillit të BE-së. “Bullgaria dhe Rumania ende janë paraqitur shumë dobët në Shërbimin Evropian për Veprimtari të Jashtme, ndërsa ne kemi diplomatë të shkëlqyer. Emërimi i Mirçea Xhoanës për zëvendës-sekretar të përgjithshëm të NATO-s dhe nominimi i Kristalina Georgievës për drejtoreshë ekzekutive të FMN-së janë shembuj të denjë për t’u ndjekur.